黄嘉乐与师妹史颖乔日前出席验车公司活动，原来黄嘉乐用两个月时间接受验车培训做学徒，现已完成基本课程，可以执业。他向师妹推荐说，验车师傅年薪好高，值得考虑：“屈指一算，真系过百万年薪㗎！一个礼拜返五日啫！”不过即使如此，嘉乐暂时未有打算完全转行，一来觉得自己还需要再深造实习，二来是他还是想对演艺工作充满热诚，表示：“呢个行头好似大家认为进入寒冬，但系对于一啲热爱演戏嘅人，你都会想办法令自己继续有戏拍。”他透露早前刚完成担正男一的马来西亚灵异电影《灵幻异界》，期间遇上灵异经历，原来是片场的道具公仔未除灵作怪！

学徒过程拍成真人骚 史颖乔指7岁睇《青出于蓝》已认识嘉乐

嘉乐的学师经过，全被验车公司拍成真人骚，稍后将会分集播出，日前他出席活动，并由同门师妹史颖乔担任司仪。虽然嘉乐入公司后才正式认识对方，但女方就说：“我一早已经认识家乐，但家乐唔识我。当我仲系一个学生嘅时候，我已经睇《青出于蓝》，当时已经识嘉乐！”剧集2003年播出，当时史颖乔才7岁；活动上嘉乐频频“中枪”，就连验车公司老板都说“细细个睇你”，更说他为8、90年代艺人，嘉乐笑言“打个突。”

两个月特训成为验车学徒 面试竟被问“有冇畀家用”

谈到为何无端端学做验车师傅，嘉乐指私下一直对汽车维修充满兴趣，某日因工作忙碌向经理人随口说了一句“我要拎架车去验，唔得闲”，怎料经理人原来与验车公司老板相识多年，经理人于是问他有没有兴趣学验车、会否怕辛苦，嘉乐随即笑回：“我话好吖，我本身对呢样嘢都有兴趣，问返佢转头，系咪真系俾我学㗎 ？我话学完，如果我有兴趣做，可唔可以做㗎 ？跟住佢就窒咗一下，佢话要问吓老板先，跟住问完之后，老板又带返我转头，话你系咪真系有兴趣做？我话，如果我真系正正经经学嘅话，我真系有兴趣㖞。”嘉乐笑指第一日面试时，老板朱Sir竟劈头问他有没有孝顺父母、畀家用及饮酒习惯，令他大感疑惑，“我话同验车有咩关系？跟住佢解释话同你个人诚信好有关系，因为验车其实系要讲诚信，你需要畀啲客户信赖，呢样嘢好紧要，就咁我就开始咗学徒生涯。”

钻车底不怕污糟 对正式执业仍需努力：破坏咗超跑要赔！

经历为期两个月的密集特训，嘉乐坦言体能完全应付得来，工作时长更比平日日夜颠倒拍戏短得多，“唯一唔同嘅就系你会经常性掂到啲油，但系其实男仔我谂十个八个都唔会抗拒呢啲嘢。”他由最初在旁观摩，到后来主动要求钻入车底实战：“慢慢我就问，我系咪都要捐吓车底啊？然后佢话你唔怕污糟可以试㗎，咁我就试吓，我都认真地想知道，我要喺个车底要留意啲乜嘢，原来都好多奇形怪状嘅嘢会发生，有啲细微细眼嘅位睇吓会唔会漏油，或者有裂纹，𠮶啲都会影响行车安全，所以男仔对机械或者有兴趣做呢行嘅人呢，我觉得都可以去留意吓。”虽然朱Sir与师傅均评定他已具备执业能力，但嘉乐自言若要验法拉利、林宝坚尼等超级跑车，仍需花更多时间深造，笑言：“虽然都系话咁样验，但系有啲技巧上嘅嘢，你要睇到𠮶样嘢，唔好破坏车身结构，都需要一啲技巧，但系你知咁嘅价位嘅车，你用一个打工嘅心态嚟讲，如果你破坏咗车嘅内部结构，你要赔㗎嘛！𠮶啲价码就比较昂贵。”

力推师妹考牌做女验车师傅 曝年薪可达过百万

同场担任司仪的师妹史颖乔自爆连车牌都未考，对车辆概念极为陌生，嘉乐即极力游说她挑战学做“女验车师傅”，史颖乔亦羡慕师兄解锁新技能，认为现今世代，做演艺事业之余也必须多一技傍身。嘉乐随即大爆行内薪酬秘密：“我要Hard Sell吓先，你知唔知验车师傅好高年薪！你真系估都估唔到！过百万年薪呀！认真，真！”他透露学徒期间每日暗中统计师傅验车数量与收费，屈指一算发现收入相当可观：“添师傅因为要顾家，所以先验咁嘅数量，有啲师傅验多啲，屈指一算，真系过百万年薪㗎！一个礼拜返五日啫，如果你乖啲、勤力啲，一个礼拜返足七日唔止。”原本对车一窍不通的史颖乔听到“年薪过百万”也即时双眼发光，搞笑谓：“我阵间会同阿Chris（老板）讲我又唔饮酒、品格又好好。”嘉乐打趣问她怕不怕污糟，她秒答：“唔怕！”

嘉乐指影视寒冬学多个技能 百万年薪仍坚守演艺梦

既然验车收入如此丰厚，为何不干脆转行做全职验车师傅？嘉乐坦言最爱的始终是演戏：“小弟对演艺事业同埋演戏仲系充满热诚，虽然而家大家都知，呢个行头好似大家认为进入寒冬，但系对于一啲热爱演戏嘅人，你都会想办法令自己继续有戏拍。”他庆幸自己仍有戏可拍，但亦深明居安思危的道理：“学识多个技能，去保障自己生活，都系一个好事。”

拍大马灵异电影疑撞鬼 养鬼仔戏见公仔突眨眼：未完全除灵

嘉乐早前刚完成马来西亚灵异电影《灵幻异界》的拍摄，於戏中更是男一，电影预计明年4月清明节档期在当地公映，香港上映与否则有待落实。问拍摄过程可有“撞鬼”，嘉乐惊爆一桩毛骨悚然的灵异经历：“拍到临尾有一场几紧要嘅戏，关于一啲类似养鬼仔嘅嘢，𠮶场戏要有一个物件去承载𠮶个灵体，而𠮶个物件，我拍紧𠮶阵时，临尾要接触佢，当我接触佢嘅时候，我觉得佢喺度同我眨咗一下眼。但系𠮶时我已经攰到……我个心喺度谂，‘我拍嘢㗎咋，我完成咗我就会帮你清洁返干净。’

原以为只是自己眼花或太攰产生的幻觉，加上一直以为该公仔纯粹是道具，岂料煞科庆功宴上向道具组求证时，真相却令人不寒而栗！嘉乐忆述：“我话‘喂，我唔知系咪自己攰得滞……’佢话‘唔系呀，系真㗎𠮶嚿嘢！’我话‘真？吓？我话你唔系除咗灵嘅咩？’佢话其实攞上手嘅时候佢都觉得未完成晒，佢话佢自己再揾个师傅去再做。”不过嘉乐指，有可能只是他太攰，也不肯定是否撞鬼。

除了这部电影，嘉乐透露目前已有新工作项目正在洽谈中，本月尾会再启程前往马来西亚接洽工作。