无线（TVB）“金牌司仪”麦美恩（Mayanne）昨日（17日）出席《善心满载仁爱堂》活动，久未露面的她原来早前向公司请了个“超级大假”，到处飞兼陪家人。除了享受天伦之乐，Mayanne更自爆这次放假完成了一个人生清单，就是疯狂追星！

麦美恩放长假做孝顺女兼疯狂追星

Mayanne接受《香港01》访问时笑言，入行十多年来从未放过如此悠长的假期：“我放咗个大假啦，去咗五个地方，跟住主要就系同屋企人去旅行啦，跟住返嚟做咗少少嘢。跟住又再陪个Best Friend骆胤鸣去台北追BIGBANG！”她坦言这次是人生第一次为了追星而飞到其他地方，感觉非常热血，更形容这个长假期让她找回了“爱”的感觉。为了庆祝父母结婚周年，她亦有飞到美国会合家人：“我飞去温哥华Join佢哋先嘅，跟住我又去咗睇美斯踢波，去咗迈亚密，跟住就上船去咗加勒比海，跟住后尾就去多转韩国先返到嚟香港。”行程相当丰富。

拒代答好友吴若希传闻

谈到休假期间充满正能量，但她的另一位圈中闺密吴若希（Jinny）最近却屡传被公司“雪藏”。被问到有没有关心好友时，Mayanne就显得相当保护对方，指自己早前四处飞，虽然有传讯息问候，但不会代对方发言：“我觉得佢会识得处理嘅，同埋咁多次嘅难关，我都见到佢有佢自己嘅方法嘅。因为我哋两个性格好唔同，所以我都不能够将我自己嘅谂法套落佢𠮶度，因为佢个成长同我个成长嘅谂法都唔同！”

Mayanne强调Jinny除了幕前工作，还有自己的生意和家庭要兼顾，认为对方有自己的处理方法。至于有没有给予安慰？Mayanne就发挥搞笑本色：“同埋因为佢有小朋友要兼顾啦，佢又有佢老公嘅生意啦。我觉得即系人哋讲咩都冇用，佢自己最清楚，所以我觉得如果以我同佢嘅交情呢，我哋好多时候有啲嘢系佢会揾我㗎啦，但暂时未有发生。”

大赞吴若希演技

另外，对于有不少网民之前批评Jinny的演技，Mayanne表示自己也有看，更大赞她做得很好：“咁我就同我妈咪真系咁啱有睇佢𠮶集，原来就系交代佢要将个家交畀妈咪，就畀婉婉啦，咁我觉得𠮶场戏佢𠮶句：‘妈，以后个家交畀你。’佢演得好𠮶场戏，我觉得佢做得好嘅！咁同埋佢处理呢啲情绪戏，我觉得系值得赞嘅。咁我睇threads度都有回响啦，即系觉得佢呢场戏拿捏得好。”