艺人曾展望（GM）昨日（17日）出席《善心满载仁爱堂》活动，对于最近热话的《女神配对计划》及早前江美仪被爆“假善心”一事，引起网民热烈讨论。曾展望接受《香港01》访问，谈及对江美仪的看法和她的为人。

重温《女神》回忆 激赞东东“霸总”举动

谈到参加《女神配对计划2》，GM觉得今届节目让他勾起了不少回忆：“真系嘅！因为佢有啲环节都系有少少类似，但系佢系变奏版咁样嘅，咁都会谂返：‘啊！上年呢个时候原来自己参加咗呢个咁开心、咁有意义、咁有人生目标嘅一个活动啦我叫做。’”被问到看好《女神2》哪一对时，他直指是东东与阮嘉敏的一对：“因为特登喺西安飞过嚟，咁我觉得佢霸总都几型啊，讲真！我都有几下畀佢震慑到！几型啊！即例如：我睇过上星期定上上星期一集，佢系帮Mandy暖手，哗！我都话咁样做？”

未有留意江美仪负面报道 拒评“假善心”指控

对于早前有灭虫组织负责人发长文指控江美仪当日拍摄时迟到兼态度高冷，在现场拿着蒸气机摆姿态拍摄两小时后便离场，将剩余98%的灭虫工作留给他一人处理，质疑节目组和江美仪的义工服务只是“为做骚”，并非真心行善。曾与江美仪一起拍摄节目的GM则表示自己没有留意相关报道：“我之前真系冇留意到，咁同埋我又冇拍呢个节目，我唔敢评论。”

力撑江美仪工作认真 称苛刻对待仅属节目效果

不过谈到与江美仪一起工作，GM就指江美仪是一个很认真的人：“我觉得美仪姐就做事都认真嘅，都系好认真拍摄嘅一个前辈嚟！因为基本上我同佢拍《试真D》，咁基本上我哋全程都系齐上齐落齐行动，多数可能我哋两个或者三个男仔搭美仪姐，咁全程试食啊或者去探店、讲嘢，我哋都系缺一不可。”至于在节目中，GM明显被江美仪区别对待，他笑指：“系咩？有阵时可能啲节目效果啫。”