刘颖旋转型做老板娘一脚踢搞设计 赴时装周偷师拒透露投资金额
刘颖旋（Tiffany）日前（17日）一身浅绿色Bling Bling露肩晚装现身《善心满载仁爱堂》活动做主持，状态大勇而且非常吸睛！Tiffany早前飞返美国探亲兼休息，叉足电后随即回港搏杀。Tiffany出席《善心满载仁爱堂》接受传媒访问时透露，最近除了继续挑战动作戏之外，更迎来人生新突破，“升呢”做老板娘，推出自家服装品牌！
刘颖旋早前飞返美国探亲兼休息。(卢振辉 摄)
坦言做生意不易 亲自包办Marketing及宣传
讲起自家品牌，Tiffany即刻现出兴奋神情。她坦言做生意绝对不容易，目前仍在“努力学习中”，但就充满热诚：“因为我都觉得有时候接触呢一个行业绝对唔容易啦，但系我都好勤力咁样去留意其他嘅品牌啊，会点样去运作啊。同埋因为我自己去谂埋Marketing𠮶方面，咁所以又谂应该拍啲咩类型嘅片啊，同埋点样影啲相会比较好啲啊。”
刘颖旋坦言做生意不易。(卢振辉 摄)
主打中性舒适路线 预告亲自做“生招牌”
Tiffany透露开创品牌后会多了留意市场情况，而她的品牌主打中性及舒适路线：“因为我而家呢个品牌呢个目的都系想以中性为主啦，同埋我系想以舒服为主。”为了做好这盘生意，由构思Marketing、拍片宣传到服装设计，Tiffany都亲力亲为，更笑言会亲自做“生招牌”。
刘颖旋透露品牌主打中性舒适路线。(卢振辉 摄)
赴时装周取经 拒透露投资金额大卖关子
为了吸收更多灵感，Tiffany早前更特意飞到外地参与Fashion Week（时装周）取经。她直言这趟旅程获益良多：“会睇到唔同嘅brands，同佢哋嘅出发点，咁每一个Collection会有佢哋嘅Story。咁我就觉得我都好想，我会慢慢develop，我呢个brand都有一日可以做到呢啲啊，唔同嘅collection，有佢𠮶个意思喺里面。” 至于被问到投资了多少位数字的私己钱？Tiffany即刻笑笑口大卖关子：“钱呢样嘢我哋就唔好讲！不过我系希望努力系会大家会见到，我希望𠮶个努力系令到大家都钟意呢件事。”
刘颖旋拒透露投资金额大卖关子。(卢振辉 摄)