MIRROR团综《MIRROR ACE》近日正热播中，首集节目组特别安排12子杀入小学校园与一班小学生大玩游戏，他们为博取小朋友欢心各出奇谋，而姜涛更毫不手软出动美食攻势拉票：“有人主动肯俾我，每人lunch time有一个麦当劳食！”、“我哋系涛team，我哋最爱嘅系咪妈咪？Let’s go！知唔知join我哋team会有乜嘢？麦当劳！”更被Stanley（邱士缙）指他“以本伤人”，日前在访问中爆他未找数。不过昨日该小学发文向姜涛道谢，还请其中两位同学仔拍片多谢“姜叔叔”，而“姜叔叔”就拍片回复：“希望大家唔好唔记得姜涛叔叔已经找咗数，希望大家永远都记得自己系涛team嘅人！”

怕被小学生认定唔守信用　姜涛霸气豪言请全校食麦当劳

姜涛日前出席活动时，被指未找汉堡包数，他解释：“因为当日好乱，事后我同公司讲番，不如真系…我唔想畀小朋友印象系，原来姜涛系一个唔守信用嘅人，所以我都叫公司联络老师，睇下可唔可以揾日个lunch break就系咁。”问到是否要找回当日加入“涛team”的20位小朋友？姜涛霸气地谓：“全部都有！（送畀全间学校）如果得嘅话。我唔想小朋友喺Threads话‘（姜涛）唔守信用呀！’你知而家啲小学生都劲㗎嘛！”他更不再逃避自己“有钱”，直认畀得起，故可以自掏腰包请全校学生叹麦当劳！

校方婉拒请全校食麦当劳　小学生拍片多谢“姜叔叔”

对于姜涛的一番美意，该学校日前于社交平台发文公开致谢，写道：“学生们对于姜先生有意请全校食小食，深表感谢。唯不希望姜先生破费，所以意思意思，参加了游戏的同学分享就好。”校方更贴心附上一段小朋友道谢的短片，两位可爱的小学生对著镜头说：“姜叔叔，多谢你请我哋食健康嘅开心乐园餐呀！”还做出心心手势。

感慨已升呢“姜叔叔”　宣布数已找叮嘱：多啲听爸爸妈妈话

一句童言无忌的“姜叔叔”，就令姜涛“中枪”，他转发短片并无奈留下一句：“我已经是叔叔了⋯⋯”之后他再拍片宣布成功找数：“Hello大家好⋯⋯福建小学嘅朋友你哋好，同学仔们，我系姜涛叔叔！希望大家唔好唔记得姜涛叔叔已经找咗数，希望大家永远都记得自己系涛team嘅人，记得我哋嘅口号，系咩呀？冇错喇！最爱嘅就系咩呀？妈咪！所以希望大家食完麦当劳之后，多啲听爸爸妈妈嘅话！”