现年50岁的敖嘉年昨日（19日）突然在IG限时动态上载左眼贴满纱布的照片，透露刚完成手术。他幽默笑指“人脸辨识唔到”，令人担心。《香港01》联络敖嘉年，他以短讯录音详细交代病情，透露因眼睫毛倒生发炎致严重“眼挑针”（麦粒肿），更直言在眼皮打麻醉针一刻“最痛”！

敖嘉年今日突然在IG限时动态上载自拍照，相中见他戴着口罩，左眼被厚厚的纱布完全遮盖。刚完成手术的他不忘幽默报平安，写道：“人脸辨识唔到🤣好彩仲记得手机密码。手术完成，好快康复💪🏻”。

睫毛倒插发炎变第三期眼挑针

敖嘉年回复《香港01》时表示最初是因为眼睫毛倒生引致发炎：“喺个眼帘上边眼线位𠮶度，有条眼睫毛倒转，可能插咗入去个位致发炎，之前冇试过。” 他透露一开始以为只是普通眼挑针，但情况持续未见好转：“开头眼挑针咁样，痛痛地啦，去睇医生后叫我要热敷同搽啲药膏，大约一个星期左右，佢开始𠮶粒嘢比较大，无走到，仲硬硬地。”他将相片传给医生看后，情况已刻不容缓：“医生话‘呢个去到第三、四期嘞，无办法，要开刀将佢里面嘅所有𠮶啲嘢放晒出嚟’，医生形容为芝士，好核突，要放晒出嚟。”

眼皮打麻醉针最痛　急找专科恐留肉粒

敖嘉年指这类严重的眼挑针若不及时处理后果严重：“只眼呢，佢𠮶啲眼挑针好少生，但系因为佢比较严重，咁要医生放脓，如果唔系佢再等硬化咗就麻烦，所以即刻要揾专科去做手术，放咗啲脓。”他引述医生指，若拖延处理，脓包硬化后会与肌肉融为一体，届时便会永远留有一粒“肉粒”。

谈到手术过程，敖嘉年坦言相当受罪：“最痛系咩呢，最痛就系你打麻醉针喺个眼皮𠮶度，𠮶吓最痛！你打完就无反应，麻醉药过咗都唔会话好痛。”由于术后眼部会瘀黑数天，他无奈表示必须暂停部分幕前工作：“有啲工作我都停咗，或者调动时间，但电台唔使出镜就唔怕。我都系第一次生呢啲，冇办法。”他更自爆被友人取笑是否经常偷看冲凉，敖嘉年笑说：“我话系呀，我成日偷睇我只猫冲凉。”