前女子跳唱组合B2成员谭嘉荃（Amy）今日（19/10）现身乐富出席活动，并独挑大梁担任大会司仪。久未公开露面的她保养得宜，在接受《香港01》访问时，除了分享个人的近况与减压方法外，更首度剖白当年组合B2在事业上升期突然解散的背后原因。 回顾千禧初期的香港乐坛迎来女子组合的黄金战国时代，从英皇娱乐力捧的Twins、百代唱片打造的九人女子组合Cookies，到英皇三小花（郑希怡、蒋雅文、刘思惠）等相继涌现，竞争极其激烈。当时由罗杰承创立的BMA唱片另辟蹊径，安排谭嘉荃（Amy）与郭可颖（Sandy）以美式重节拍快歌、劲爆热舞与前卫性感形象切入市场。其首张EP《B2 Attack》及后续同名专辑中的《型男索女》、《Disco Dancing》等，成功在情歌泛滥的市场中撕开缺口。然而，当年唱片工业面临实体销量萎缩与转型阵痛，加上唱片公司内部人事更迭与派系拉扯，令年纪轻轻的两位成员承受了远超负荷的幕后政治压力与外界严格审视，终致这支极具爆发力的女团在巅峰期戛然而止，成为乐迷心中无法磨灭的遗憾。

久休复出独挑大梁任司仪　靠运动重塑心态大赞郭可颖瘦身有成

被问到平日如何纾缓工作压力，Amy坦言以往主要靠运动和跳舞减压：“我其实平时都系靠唱歌，以前我就好钟意跳舞减压嘅，咁依家就懒咗，懒跳舞咁样啦。不过其实我都想重新练返跳舞，因为做运动系一个好好嘅减压方法，我自己钟意跳舞，所以都希望可以重新练返呢样嘢。”  许多艺人在面对职业生涯骤变时，透过重拾运动、舞蹈以及远离复杂社交网络，能有效重建心理韧性。若公众或演艺从业者在日常面对类似职场压力时，及早寻求专业医学协助并建立家庭支援系统，是走出情绪阴霾的关键之道。

昔日拍档郭可颖积极健身　谭嘉荃笑言受刺激欲重拾舞步

Amy透露对方近来积极健身，成果显著：“我以前个Partner呢，佢依家好努力咁做运动呀，成果好显著，瘦咗好多呀！睇到佢咁，我都觉得自己应该要跳返啲舞、做返啲运动咁样。”

歌迷期盼B2合体开演唱会？　谭嘉荃坦言队友家庭心重难成事

至于不少歌迷期盼B2能够再次合体开演唱会，Amy则坦言要视乎Sandy的时间与家庭状况：“其实呢个真系要睇佢，因为佢本身系一个家庭心好重嘅人。之前我自己单打独斗或者想搞啲节目，揾佢帮手呢，我都要氹佢好耐！算啦，一次半次OK啦，因为佢真系要等佢个女儿再大少少，希望氹到佢啦。”

Amy更爆料指，Sandy当年加入演艺圈其实一直遭到家人反对：“之前因为佢爸爸系好唔希望佢再做呢行。试过有一次，我哋啱啱冇做组合解散咗，仲接咗啲内地Show系用组合名义去唱，佢爸爸系直接讲到话：‘你个Show钱几多，我畀返几多你！’ 佢爸爸好唔赞成佢做公众人物。佢自己后来又结婚生咗小朋友，更加系一个家庭心好重好重嘅人，我哋连食饭都系约下午，因为佢夜晚要返去陪囡囡。所以如果真系要搞一个完整嘅B2 Show，系有啲难度嘅。”

千禧女团成军3年骤然解散　首揭公司人事恶斗陷情绪病深渊

回顾B2当年仅成军三年便迅速解散，Amy直言当年除了队友家人反对外，最主要的原因是公司内部的人事问题，更令她一度患上情绪病：  “其实当时有好多原因嘅，一来系好多人事上面嘅问题，好唔开心，（系咪陪出席饭局？）又唔系呢啲嘢，而纯粹系公司嘅人事上面嘅唔开心，但而家过去咗。二来佢屋企好明显系爸爸反对，希望佢去外国读书。当时佢同公司讲话：‘我唔做啦，我要去读书。’咁我当时就觉得，好啦，咁不如我都唔做啦。”

Amy透露，唱片公司当时曾提出让她单飞发展，但她最终选择退出一线：“唱片公司当时其实对我好好，佢同我讲我可以单飞嘅，但我自己当时都觉得，算啦，既然B2冇咗，咁不如我都唔做啦。所以我当时都离开咗娱乐圈成十几年，后来先再返返嚟。”

工作压力爆棚曾后台崩溃痛哭　拒绝单飞黯然告别娱乐圈十余年

谈到当时的人事打击，Amy坦承情况相当严重，情绪大受影响：“当时系唔开心到情绪出咗事，都几严重，有睇医生同食药。（有冇想过自杀？）都冇谂过嘅。但当时系情绪上面好大问题，有时我哋出Show，我会唔开心到喺后台喊。Sandy佢又好唔开心见到我咁样，因为我哋两个感情好。变相我哋大家都会觉得，不如算啦，暂时放下先啦。”

经过多年的沉淀与转行，Amy如今重新出发，心态亦变得更加成熟：“可能因为当时仲好初期啦，所以我一停咗落嚟之后，就转咗行。所以其实我再重返娱乐圈嘅时候，我都好担心嘅。不过可能人大咗，处理压力方面就做得好咗，依家都OK啦！”

根据卫生署卫生防护中心及香港心聆精神健康资源（Mind HK）等专业心理健康机构资料指出，当面对重大生活压力或人际挫折时，出现持续情绪低落、焦虑或生理不适，属于常见的情绪反应。若情绪影响日常功能，及早寻求精神科医生或临床心理学家的专业评估与介入，配合药物或心理治疗，能有效改善病情。

若你或身边亲友正受情绪困扰，可联络以下本地权威支援机构：

香港撒玛利亚防止自杀会 24 小时热线：2389 2222

医院管理局 24 小时精神健康专线：2466 7350

Mind HK 香港心聆精神健康资源：mind.org.hk