艺人“黑妹姐”李丽霞今日（19/10）现身乐富出席活动，期间接受《香港01》访问，大谈平日的减压方法，并提到好友彭皓锋的近况。

唱歌行山双管齐下减压 黑妹姐首曝放弃住老人院主因

谈到平日如何面对压力，黑妹姐直言唱歌是最好的宣泄途径。她表示：“我自己减压呢，就是用唱歌嚟减压。因为其实有时好得意，我哋身处喺呢个环境入面，接受好多嘢。但当你解决唔到嘅时间，原来上台唱歌系最开心嘅，最开心嘅，因为忘记咗唔开心，起码避咗先，唱咗先！”若没有舞台，黑妹姐则选择以运动纾缓情绪，她说：“我行山，行山可以流返汗出嚟。”

提到早前曾考虑安排住老人院的计划，黑妹姐透露已即时取消，并有了新的退休打算。她笑言：“傻啦，我自己即刻取消咗佢啦！我话我哋几个，租人哋屋住，睇四围环境，请个工人，跟住请个司机，咁样玩下，一齐旅游，可以上嚟陪你。去老人院，冇人嚟睇你㗎！靓嘅老人院好贵㗎，你知道唔知呀？所以宁愿自己请工人、请司机。”

直肠癌3期肿瘤缩细！TVB御用恶人彭皓锋北上拍戏筹医药费

此外，提到好友彭皓锋近期频频北上工作，黑妹姐表示对方一直十分勤力，病情亦有好转。她透露：“佢冇停过㗎，佢好乖！佢拍电影多咗，上大陆唱歌多咗。因为香港嘅制作已经少了，冇以前咁百花齐放，咁我哋都要另谋出路。”对于彭皓锋的健康状况，黑妹姐欣慰地表示：“好转呀！肿瘤都缩细咗！我哋两个冇搞其他嘢，最紧要开心。”

黑妹姐补充道，两人平时会互相给予正能量与支持：“正能量就系我哋大家互相支持，有咩唔开心同对方讲。总之不论系朋友定屋企人，最紧要就系互相分享自己唔开心嘅嘢、开心嘅嘢，你就会好过。”虽然替对方有工作感到开心，但黑妹姐亦不忘提醒彭皓锋要注意休息，保重身体。