胡定欣今日（20日）现身中环，出席一个由银行赞助的马拉松起步礼，即场分享理财与日常跑步心得。刚与老公庆祝结婚一周年的她，透露两人仅简单食饭庆祝，并大谈夫妻之间的相处之道与财政管理方式。此外，谈及娘家TVB台庆剧《璀璨之城》中陈滢的大胆裸露演出，胡定欣直言有留意，并表达了自己的看法。

夫妻跑步锻炼 赞老公长跑内力更强

胡定欣受访时，自言未试过跑半马，所以是一大挑战，到时落场“跑得几多几几多”。她透露平时也有与老公一起跑步：“佢内力比我更加强！因为佢有目的要跑步，大家想健康啲，平时又钟意食嘢，希望保持身材。跑嘅时候，我叫佢唔好就我，跑前啲都冇问题，总之我知道你喺前面就得㗎了。”

庆祝结婚一周年　暂无生小朋友计划

胡定欣与老公刚迎来结婚一周年纪念，被问到如何庆祝时，她笑言：“系啊！啱啱庆祝咗我们结婚一周年，时间过得真系好快。（只系食饭庆祝？）系啊，其实都好够了，我哋睇返上年结婚同旅行时候嘅相，觉得‘哇，转眼间咁就过咗一年啦’，好回忆返𠮶个旅程。”

胡定欣甜蜜表示老公为了让她开心，多了仪式感，更爆结婚周年当晚本想给她惊喜，订了餐厅才告诉她，但被她提前打消念头：“佢不嬲喺安排上都好好，佢本来系想畀惊喜我，𠮶日先带我去食饭嘅地方，但我话‘唔好啦，你畀我知啦，因为我想知道自己点样Dress up。’打扮得靓啲，大家影张相’。（有冇幻想一下下年张相变三个人？）呢个冇谂了，其实两个人都好开心，屋企人都唔会畀压力。反而系会谂有冇机会重游结婚嘅地方，因为真系好钟意。”

夫妻实行财政独立

提到家中的财政大权，胡定欣透露夫妻二人一直保持财政独立：“我哋两个其实都好独立，大家管好自己嘅财富啦。因为我哋一路以嚟管理财富上嘅方法同投资都唔一样嘅，各自照顾好自己就OK㗎啦。咁家用就一定有畀啦，佢系我老公，唔多唔少都要照顾嘅。”她续指二人平时最大的支出主要在日常生活及旅游上：“我哋两个都好钟意食嘢、饮返两杯、去旅行，支出最主要系生活上嘅消遣，而家庭开支，大家有各自负责的一部分，好平衡。”

贺岁片首度合作阿Sa　重遇林峰感叹岁月如梭

刚完成贺岁片《食住上》拍摄的胡定欣，表示今次合作的伙伴大多是首次合作，包括阿Sa（蔡卓妍），两人於戏中饰演闺蜜：“我同阿Sa系第一次合作，佢演一个好Mean嘅食评家，我就系纵容佢𠮶个人，好好玩！”至于另一合作演员林峰，她则笑言二人很久没有同场演戏：“𠮶日佢都有问我哋上一次合作系几时，原来已经好耐，系一套古装片。”

回应陈滢大胆裸露戏 “年轻才有这个胆量”

提到旧东家TVB最近热播剧集《璀璨之城》中，陈滢的大胆裸露剧情引来热议，胡定欣直言：“都有留意到嘅，都真系……好犀利啊。”被问到如果当年要求她拍摄同类大胆戏份能否接受时，胡定欣直言：“我觉得如果演员知道剧情有需要，是要有呢个效果先表达得到嘅，而且都要导演同演员大家都同意，先可以拍㗎嘛。我觉得佢哋认为合情理，所以就促成呢场戏。”问到现在已为人妻，是否找她拍这些戏份都未必接受到？胡定欣直言：“真系唔知啊，系啦，或者可能年轻先有呢个胆量。我自己以前拍戏最多都系露背。（佢系360度？）系啰，我觉得真系要剧情需要先得。”

力撑胡杏儿进修硕士 替刘恺威新恋情送祝福

此外，提到好姊妹胡杏儿最近重返校园修读硕士课程，胡定欣大赞对方厉害：“佢好叻叻。首先替佢开心，大家都入行咁耐，要再去进修自己，同时兼顾工作同学业，仲要照顾家庭，真系好唔容易！我哋系好赞成同好支持佢。（妳自己会唔会都有计划进修？）如果个科目有兴趣，自己都会想，因为我哋入咗行一段长时间，都真系要input返先至会有新啲嘅谂法，继续喺呢条演艺路上行。”而对于好友刘恺威公开新恋情，胡定欣表示今早看到新闻感到十分替对方开心：“恭喜晒！（觉得衬唔衬？）靓仔靓女，替佢高兴，好好Enjoy！”