前无线艺人史颖乔日前为黄嘉乐的验车真人骚宣传活动担任司仪，期间一同受访。讲到在旧东家演出的剧集《死有对证》口碑好，她非常感恩：“我见网民有做过统计，有12位有份参与嘅艺人，都喺TVB毕咗业，可能好多人毕业嘅作品，都系用一个好好口碑嘅电视剧完结，我觉得系几好。”另外她早前在访问中提到自己两年前为生计去滑雪店打工，赚取80元时薪，她透露在店里偶遇曾同场拍戏的TVB女演员，招待对方及帮手试身、折裤脚等等，虽然该女星非常友善，更买多几件，但史颖乔想起二人差距，对方放假可以去玩、自己则要做兼职帮补，回家都曾陷自我怀疑：“觉得自己唔知做紧咩……其实自己嘅坚持、骨气究竟啱唔啱呢？”不过之后她终于想通，决定要保持初心坚持下去。

离巢后主力接司仪工作　感恩《死有对证》口碑佳

史颖乔早前正式离开无线（TVB），目前与另一经理人公司合作，谈到工作动向，史颖乔透露：“我最近接触比较多都系做MC，可能有啲公司或者活动司仪，好似今日香港验车呢一个，都好开心。”在旁的同门师兄黄嘉乐亦非常力撑，笑言已是第三、四次出席她担任司仪的活动。虽然已经离巢，但史颖乔仍有一部存货剧集《武林》尚未播出，对于早前出街的告别作《死有对证》大获好评，她感恩表示：“我都好开心呀，我离开咗TVB，但系有同屋企人睇电视，同埋都见到收视口碑都唔错。我见网民有做过统计，有12位有份参与嘅艺人，都喺TVB毕咗业，可能好多人毕业嘅作品，都系用一个好好口碑嘅电视剧完结，我觉得系几好。”

滑雪店打工偶遇同公司女星　回家忍不住Emo：唔知做紧咩

早前史颖乔曾接受访问，提及入行后为了维持生计及追梦，曾到滑雪用品店做兼职售货员，期间更撞正另一位女艺人来购物，并要帮对方试身。重提这段经历，她直言当下百感交集：“当时有一日我素颜戴住口罩正常返工，就见到有个靓女又系戴口罩，然后我哋相认咗，听咗把声佢就系我哋同事嚟嘅。我都有Sell佢一啲滑雪嘅衫裤，𠮶一晚返到屋企，我都emo。”

质疑坚持是否正确　黄嘉乐力撑师妹脚踏实地追梦

黄嘉乐好奇她为什么emo，她坦言：“觉得自己唔知做紧咩，当时觉得同事可能唔使拍剧嘅日子，都会周围去玩、影吓相、post吓IG、增值自己、学多啲运动；但系同时间，我当下为咗生活，奔波，为咗追梦，喺滑雪用品舖打工，当下有𠮶个对比，然后就emo。”她续说：“其实自己嘅坚持、骨气究竟啱唔啱呢？如果我真系要去追梦，我系咪应该嗱嗱声赚多啲钱，投资喺自己，学其他嘢，演技或者其他嘢都好，而唔系继续慢慢$80一个钟喺度磨、喺度坐。”不过史颖乔就大赞该名女星当时态度十分友善，绝对没有不礼貌，更帮衬买了几件装备：“佢都好Nice㗎当时，我都有帮佢着吓裤𠮶啲，你知好厚重。同埋佢都帮我买咗几件，几好。”

经历挣扎后决心坚守初心　史颖乔计划再考车牌及瑜伽牌

听到师妹的挣扎，黄嘉乐随即以前辈身分大力鼓励，大赞她脚踏实地：“唔系㖞，我觉得你好叻㖞！因为你为咗追随自己嘅梦想，维持自己嘅生活，我觉得好正确，你冇用旁门左道嘅嘢，行得正企得正，做乜要emo？唔需要emo！”嘉乐更教导她将兼职经历视为演员的养分：“你都增值紧自己！做part-time嘅时候，除咗揾钱你仲可以观察人生百态，都系上紧堂，演戏就系观察人生百态，所以你根本冇浪费时间。”

经过一番沉淀，史颖乔亦庆幸自己选择了坚守初心：“虽然我经历过呢个挣扎，我都系拣返我要坚守自己初心。”她直言：“我觉得𠮶个思考人生，都系一个好好嘅事，因为我记得之后我都有问过一啲师兄，真系唔系好多人都含住金锁匙出世，去追梦，佢哋好多人都原来经历过呢啲情况，我觉得某程度系要有自己反思，或者真系emo过，再决定继续去坚持，呢个先系真正嘅坚持。”史颖乔又表示这段打工经历并无白费，提到未来计划，本身已考获保安牌的史颖乔笑言眼见师兄成功考获验车牌，自己亦蠢蠢欲动：“我嚟紧都会想考车牌，同埋我而家开始都有做吓瑜伽，都想考个瑜伽牌，靠自己做！”