艺人赖慰玲昨日（21日）出席旅发局举办的“香港 连场好戏”启动礼活动时接受《香港01》访问，大谈早前与大仔进行“独家旅游”的温馨点滴。她透露该旅游节目其实早在半年前拍下，如今节目播出，看著儿子的变化，让她感叹小朋友长大得极快：“我觉得佢成熟咗，佢讲嘢嘅tone已经唔同咗。即系我睇返电视嘅时候，佢讲嘢嘅tone系bb啲嘅，但系而家呢，就已经可以再深思熟虑先再讲嘢。”

视爱子为人生导师 承诺给予两子“独霸妈妈时间”

提到这次单独带大仔旅行，赖慰玲坦言过程中反而获益良多，甚至视儿子为“老师”：“反而佢教识我好多嘢，即系我哋成日觉得玩上天下海嘅嘢，成日都会有㗎啦，我知道系咩㗎啦。即系年纪愈大愈唔玩啊，但系佢哋呢，反而系好多勇气，好多好奇心，去试嘢嘅时候，我就发觉咦！系㖞，一直都冇再试呢啲嘢，但系佢令到我好似再开拓返个世界咁。”她赞赏大仔非常听话，虽然照顾两人行李、多照顾一个人需要花费心力，但留下了极佳的回忆。她表示未来当小儿子长大至五、六岁时，亦会安排与他单独去旅行，给予每个孩子专属的“独霸妈妈时间”。

坚持快乐第一 拒做虎妈

育有两子的赖慰玲自言绝对不是“虎妈”，在育儿理念上坚持把“快乐”放在第一位，学业及其他事情则随后。她笑言自己极度需要小朋友的笑容：“我好需要佢哋出去玩，好想同佢哋一齐去见识呢个世界，所以我绝对希望快乐系第一嘅！”为了贴近现代小朋友的兴趣，她更会主动阅读相关书籍及上网查阅资讯，务求与小朋友投其所好，希望自己不会跟小朋友“太脱节”。

心痛社会虐儿悲剧

提及屯门富泰邨日前发生的虐儿案件问题，身为人母的赖慰玲坦言每次看到相关新闻都会感到极为难过：“如果可以有一啲机会去一啲唔同嘅机构，未必净系同小朋友沟通、同小朋友玩，我觉得我好想可以有机会同唔同嘅家长倾偈，即系希望大家可以多啲交流下，点样去爱护自己嘅小朋友，我成日觉得小朋友有自己嘅父母爱锡，其实佢唔会唔快乐。”

感恩家庭充满爱 藉新闻引导儿子关心同辈

赖慰玲透露虽然平时少让小朋友接触电子产品及新闻，但若小朋友问及相关事件，她会借此进行身教：“我会同佢解释，首先佢要知道自己好幸福先，因为我哋屋企系好有爱嘅，咁唔系每一个小朋友都可以得到爱。希望佢都可以留意下佢嘅同学仔嘅状况，有冇啲人需要帮助，我哋希望用帮人嘅角度去同佢倾好啲。”