TVB台庆剧《璀璨之城》近日热播，惟剧中部分情节及尺度引来不少争议，尤其第四集陈滢色诱张智霖一幕，通讯事务管理局（通讯局）接获25宗投诉，更有网民觉得合家欢时段播放太长进，艺人刘雅丽日前亦在直播中对该剧表达不满，引发外界关注。

今日（22/10）刘雅丽、梁嘉琪、妹头（卢颂恩）及霞姐（张锦霞）现身湾仔艺术中心，为即将上映的舞台剧《办公室剧后》进行拜神仪式及彩排。

刘雅丽接受《香港01》访问时，再次大谈对《璀璨之城》的看法；而同场的梁嘉琪则笑言自己最近“脱节”，要赶紧追回新闻了解情况。

刘雅丽质疑剧集尺度与播映时段

谈及《璀璨之城》引起的争议，刘雅丽坦言问题不在于剧集本身的尺度，而在于播放的时段：“我自己觉得喺尺度上面系咪有啲教坏细路呢？我反而觉得网剧系无问题，但如果喺一个黄金时间，个意识又有问题，当然佢都唔会有任何赤裸嘅地方，但意识嘅问题系咪要去到咁呢？我有个问号啰。”

“我自己觉得吸引眼球有好多方法，其他嘅电视剧，尤其呢啲时间，其实我觉得一个好剧本已经系吸引人嘅地方，唔一定要系讲呢啲桥段嘅。剧情系有可观性嘅自然就会好，系一个好嘅开始。”

对于其中一集部份情节收到大量投诉，刘雅丽表示最近因忙于排戏，未有时间密切留意发展：“我冇乜时间留意啰，我近排忙舞台剧，睇下TVB点拆啰，我唔知啊！呢排真系未必有时间，我要休息喇，我连日下昼夜晚、下昼夜晚，星期六得个下昼Off，又有两场，我谂我如果有时间都瞓多啲。”

梁嘉琪自嘲脱节笑言要“追新闻”

同场的梁嘉琪被问到有否留意《璀璨之城》的争议时，她尴尬笑称最近全力投放入角色，完全无视外界消息：“唔好意思，我呢排剩系背剧本，所以我冇睇到。我消化紧你哋头先讲𠮶啲，我返去追返啲新闻㗎喇！”

梁嘉琪更自嘲与外界隔绝：“我脱咗节，唔好意思！”对于剧集尺度是否过大，保守的她笑言：“因为我真系冇睇过，所以我真系唔知，因为我个人比较保守啰，我开两粒衫钮露少少我都觉得尺度好大。”旁边的刘雅丽随即打趣爆料：“佢好保守㗎，佢换衫要匿埋㗎，唔畀我哋睇㗎！”梁嘉琪亦不好意思地笑答：“唔知啊，唔知啊，Sorry不好意思！”