舞台剧《办公室剧后》即将于湾仔艺术中心上映。今日（22/10）一众演员包括刘雅丽、梁嘉琪、妹头（卢颂恩）及霞姐（张锦霞）特意现身湾仔艺术中心，为剧集进行拜神仪式及总彩排，祈求演出顺利。

刘雅丽拒当张锦程媒人

早前张锦程惊传离婚消息，被问到会否帮忙介绍对象或充当“媒人”时，刘雅丽打趣笑言：“哈？唔使啦卦！我唔知呀，我近排冇咩联络咋！总之我知我唔系佢对象啰！”她更搞笑补充：“我哋𠮶啲好似兄弟咁样，又识咗几十年，系对象嘅已经有事发生咗啦，几十年嚟都冇事发生就即系唔系啰！”

谈到张锦程的性格，刘雅丽坦言“顶唔顺”对方，全因他对戏剧极度执著且说话沉长：“𠮶啲长篇大论呀𠮶啲嘢呢，我惊我每晚都冇得瞓呀，佢又好似老师咁！”她更分享了一段两人之间的搞笑往事：“我有一年我老豆过世，我第二日要去守夜。佢呢就话佢唔方便去个丧礼，咁佢好有心咁嚟我屋企安慰我。佢夜晚10点几嚟到，倾到之后朝早6点！佢陪我守夜，我话‘你知唔知我今晚嚟紧要守夜？你而家6点喇，你仲唔走呀？’”

刘雅丽笑指张锦程一谈起戏剧就“发癫”及滔滔不绝：“佢一讲做戏佢系癫嘅，又有排讲，好适合教书！”正因对方如此热情且长篇大论，刘雅丽笑言自己“顶佢唔顺”，所以绝不会考虑对方，亦未有刻意介绍朋友给他。