MIRROR成员陈卓贤（Ian）昨日（22日）于中环出席品牌活动，他以一身牛仔装扮配搭品牌的手袋。Ian接受传媒访问时被问到日常出街的必备品，Ian指手袋内必备蓝牙耳机、行动电源以及润唇膏。当提到家中两只爱犬“鸡髀”及“芝麻”时，他嘴角就自然流露著笑容：“因为我前排飞得比较密，咁个喼一打开嘅时候，佢哋就知道你要走嘞，即刻跳入去霸定个位，好得意！因为佢哋两只平时唔系黐得好埋嘅，但系有一次竟然系两个一齐入咗个喼𠮶度，好温馨嘅画面。”

预告澳门骚氛围亲密

谈及即将举行的澳门演唱会，Ian透露这次演出将有别于早前的香港站。他形容今次演唱会的氛围会更为亲密，犹如邀请大家到澳门共进晚餐一样：“亦都会唱好多啱啱冇唱过嘅歌，又或者系从来冇唱过live嘅歌。都有嘅新歌啦，有啲新歌未唱过，唱咗又好，都会唱畀大家听嘅。”

笑指团综游戏提示太过分

除了工作动向，MIRROR成员间的私下互动亦是焦点。提及早前成员在团综上玩的“小偷与保安”游戏，Ian笑指这是一个“十个小偷两个保安”的悬殊对决，并搞笑抱怨提示卡的设计：“同埋咁节目组𠮶啲Hints又有啲过分嘅，即系其他人都系可能出过咩歌、提名过咩，我系呢个港队成员。”

为兄弟守口如瓶

至于近日备受关注的队友邱士缙（Stanley）结婚日期与地点，Ian则守口如瓶，他直言：“因为Stanley佢嘅意愿系保密，所以我都会帮佢保密。”

渴望推出个人实体碟

对于粉丝引颈以待的个人实体专辑，Ian透露其实一直有向公司提出完整构思，希望推出一只碟：“我会希望出只碟嘅，所以依家研究紧可唔可以将呢个希望变成现实，咁系未知，因为系希望啊嘛，但系好想做到呢件事。因为自己今年做咗好多歌，咁对于一只碟点样去呈现，又有一个谂法喺度，咁所以就觉得如果做到就好啦。”不过他表示最终决策权仍归公司所有，目前只能抱著希望等待安排。