歌手郑俊弘昨晚（23/10）出席慈善晚宴，接受《香港01》访问时，回应了妻子何雁诗早前受访时透露二人婚姻关系已变得平淡如水，双方“不再激情”的言论。郑俊弘对此展现出轻松态度，并表示并不担心两人的感情出现问题。

对于妻子何雁诗指两人缺乏激情的说法，郑俊弘笑言：“我又冇㖞，我哋之前几星期都喺加拿大一齐，争取家庭时间，去咗个小旅行。”他认为妻子只是“用错词”或表达不当，并解释道：“其实大家喺一齐咁耐，依家全心全意嘅重心都摆喺仔仔身上，就冇以前拍拖𠮶啲激情，大家大个咗，重心就摆晒喺个仔度。我谂佢系用错字啫，大家都系好有爱、好关心大家。”

被问到会否为夫妻生活增添多点激情或惊喜，郑俊弘打趣道：“我都要垫高个枕头谂谂先，或者上网睇吓！不过我啱啱写咗首新歌，平时佢好少赞我，今次畀首新歌佢听，佢反而赞我‘哇，好好听’，好耐冇赞过我啲歌，所以都好开心。”

提及自己性格是否不够浪漫，郑俊弘坦言：“我不嬲都系好静、好唔识点样去浪漫，我谂我最浪漫𠮶阵就系求婚𠮶阵。我都需要谂谂点样畀多啲惊喜佢。”

至于会否担心报导刊出后影响感情或夫妻关系变淡，郑俊弘强调：“又唔会惊，我哋其实平时都好开心、好紧密，系一家人，所以唔会话真系好淡或者冇咗爱情。依家我哋好稳定，以屋企、以仔仔为主，大家开心、身体健康就最重要。”