无线台庆剧《璀璨之城》近日爆出多宗风波，包括女主角张曦雯（Kelly）疑被临场通知要将内衣戏改成除剩底裤的大露背戏，她透露过程中由表明拒绝拍摄，到先后被张智霖、吴卓羲、监制陈维冠、江美仪及袁咏仪等游说，停厂数月后最终答应；另外，陈滢的性感场口被指尺度过大、卖弄色情，有观众向通讯事务管理局投诉，甚至后来陈滢接受梁靖琪（Toby）的网台节目访问时，Toby指收到风导演将陈滢的除衫戏四周传阅等，陈维冠在宣传活动上一一否认，指张曦雯的除衫戏从未经修改，她拒绝拍摄与性感尺度无关，而讲到导演私下传阅陈滢全裸片花，他强调：“我团队唔会做啲咁嘅事，肯定唔会！”

活动上，大会公布三个好消息，包括：《璀璨之城》首周跨平台直播最高收视22点、观众人数141万，亦是2025至今首周最高收视剧集。不过，外界始终将焦点落在多名女演员的性感戏码及风波。张曦雯曾透露自己知道一shot过、不能借位，只穿内裤及大露背时感到很意外，并拒绝说：“No, I don’t think so. I am not going to do it.”之后张智霖、卓羲、陈维冠倾好后游说她，她心想：“点解冇同我倾？”有指剧组因而停厂三个月改剧本，陈维冠受访时否认：“唔系唔系，绝对唔系Kelly场戏，本身剧本想修改返，唔好太全员恶人，所以Ron（吴卓羲）出嚟嘅感觉系亦正亦邪，因为原本个剧本阿Ron系非常之坏，所以我哋改完剧本令到佢个人再复杂少少，主要系咁，惊观众接受唔到全家都系咁。”

讲到Kelly因尺度拒拍，他说：“佢say no嘅原因系因为𠮶场戏五页纸，好复杂，对白、行为、灯光，所有嘢，最后尾佢被Chilam（张智霖）羞辱完之后仲要喊，我哋排戏嘅时候都排咗两个几钟，佢say no系佢对难度冇乜信心，因为真系好高难度，佢最终完成到都好开心。”陈维冠续说：“佢最初有犹豫hand唔handle到咁嘅戏，后尾因为停咗，我哋修正剧本再返嚟，经过个几月，佢对我哋团队好有信心，亦都觉得呢场戏系值得咁样去试，喺我哋排嘅过程，斋行位都行咗三个几钟，结果拍摄成功都花咗四个几钟头，最后拍咗三take。”

问到尺度如此大，为何不事先与演员沟通好，他否认加戏：“我哋尺度冇改过，由头到尾都系一模一样，只不过行位比之前……因为原本谂住cut shot拍，但系发现呢场戏原来个情绪或者节奏方面如果能够一个镜头落，系会做到个震撼性，所以我哋需要咁多时间，我哋一路冇变过。本身剧本出嘅时候未谂住咁样拍，系后尾我哋喺拍摄前一两日，发觉呢场戏可以一镜过，所以尝试考虑呢样嘢，唔系加嘅，呢场戏从来都有，三个月改剧本前或者改剧本后，呢场戏都存在。（记者：Kelly都知道？）知道。（记者：佢亦应承？）佢开头纠结个难度，因为真系好复杂，又行位、对白、四页纸，去到最后尾眼湿湿羞辱，走，系好复杂，唔系咁简单。”对于观众觉得张曦雯可能因为受到多方施压才妥协，他也否认：“我哋从来唔会向演员施压，因为我哋系专业，唔会做啲咁嘅事，唔愿意系唔会做。”他又透露，张曦雯在风波后以正面态度去面对，至于现时群情汹涌，张曦雯的一幕戏会否经过删剪再播，他说交由公司决定。

陈维冠又强调，防走光措施100%保护得很好：“其实我哋从来拍戏都有打底，我哋喺现场做足安全措施，唔会有乜嘢穿崩，有服装姐姐喺现场，其实服装姐姐现场帮手贴胶纸嘅时候都几好笑，全身都贴晒，我哋用镜头去将就，你哋睇唔到穿崩。（记者：Chilam话Kelly因为陈滢同陈晓华拍咗性感戏之后就激起佢斗心。）呢个我觉得系讲笑机会比较多。”此外，谈到观众反映剧集尺度过火、卖弄色情，刻意洒盐花，他表示：“我觉得有好多种观众，我觉得喺剧情上面如果能够做到突显到角色效果，我觉得值得。（记者：但系有观众投诉）我听公司讲系有投诉，公司都会处理。”

最后，对于Toby爆陈滢的全裸片，早被导演四围传阅，陈维冠严肃否认：“唔系事实，我团队唔会做啲咁嘅事，肯定唔会！我团队系专业，唔系真实，百分百唔系真实。”