无线台庆剧《璀璨之城》今日（25日）举行宣传活动，绯闻情侣吴卓羲、张曦雯（Kelly）继续放闪，讲到近日吴卓羲被封“粗口感染王”，令Kelly在访问中都冲口而出讲“X街”，吴卓羲问：“又我？你唔讲粗口嘅咩？我觉得佢呢句唔系粗口嚟㖞！”Kelly都大喊无辜：“咪系啰，公司都播得，咁咪即系唔系粗口啰！”至于连张智霖Chliam跟吴卓羲拍片时都讲“咪X叫我Captain Cool！”他闻言走音问：“又我？”并表示：“其实我觉得系文化嚟，呢个系我哋香港人小小嘅文化，搭几句，但系系唔应该咁做嘅，唔应该咁样讲嘅，因为俾小朋友听到唔系几好，所以真系唔好意思，但系Chilam就唔系我教嘅！”Kelly亦澄清自己的粗口都不是吴卓羲教，以前打机都有讲英文粗口，男方亦回应：“佢𠮶句唔系属于粗口，好多电视都有播过㗎啦。”

活动上，Kelly亲自调酒畀男方，被问是否张曦雯整咩饮咩，吴卓羲说：“佢点话点好啦！”张曦雯即说畀杯水他，因为“有情饮水饱”，之后她调制出一杯红色饮料“代表我畀咗个心佢”、“爱佢爱到可以为佢死！”吴卓羲也识做回应：“我爱佢爱到可以饮呢杯嘢呀！你睇吓几爱！”最终吴卓羲都有乖乖饮下，并大赞好饮。受访时记者调侃二人，吴卓羲再说：“我爱佢爱到我肯饮佢杯嘢啦，我都唔知系咩就饮咗落去。（记者：你都唔饮晒！）我惊去厕所呀。”

日前吴卓羲接受查小欣节目《红查馆》访问，讲到自己是吴家在香港唯一男丁，所以常常被母亲催生仔，更指可以只生仔不结婚，问到何时完成母亲心愿，吴卓羲：“到时话俾你听啦，多谢关心！（记者：会唔会揾人生仔？）到时话你听！”不过问到Kelly能否接受只生不婚，她说：“ 唔得㖞，净系生仔唔结婚，唔得㖞。”吴卓羲亦即澄清：“ 呢个唔系我话㗎，我阿妈话㗎，唔系我要求嚟嘅。（记者：咁你接唔接受到？）到时话你听！”