《女神配对计划2》播出以来新闻多多，每位女神因节目关系而备受关注，而《东张》女神之一俞可程Kanis，因节目关系人气急升，特别是最近两集，出尽法宝狂电Oscar，不过亦有网友觉得俞可程未达女神颜值，特别她染了一头红发的时候，更有点像史力加太太，不过俞可程上周六（24日）出席《女神配对计划2》就大方回应，事后更获得网友赞同，她说：“其实我觉得ok，大家有唔同名称形容我，大家都系睇到我，先会去评论我，大家如果因为咁而认识我，而记得我，咁我仲要多谢㖭。”

俞可程正面思维面对负面批评

“正面负面的comment我都会睇，如果真系做得唔好，我会去反省，去做好啲，希望大家会畀机会我，（惊唔惊畀人感觉八婆？）哈哈⋯⋯你哋觉唔觉得我八婆？我哋做艺人，生涯好长，可能一开始大家都有啲定型，但如果我做五年或十年，大家可能因为我其他嘢而改观，所以而家佢哋觉得我系点无乜所谓，之后落嚟嘅集数，加埋之后嘅剧集或活动，都可以畀人哋更加认识我，如果佢哋觉得我系咁嘅人，我都会接受，我知自己系咩人，其实已经足够，同埋欣赏我嘅人，我多谢佢哋就ok喇。”

被指似史力加太太：我都觉得似

“（但网民话妳似史力加太太㖞？)其实我笑咗出嚟，我觉得网民咁有创意，我睇睇下又真系有啲似，我染咗红色头发咁耐，都未有人留意到我或话我似边个，而家话我似史力加老婆都无问题，我都觉得𠮶集无咁靓，咪下一集靓返啲啰，希望大家本身觉得我 ‘哗，咁差嘅’，之后睇我仲会好返啲。”