周嘉洛和朱敏瀚两兄弟，早前与高海宁一起到韩国拍摄全新旅游节目《Grand住去首尔》。三人昨日（26日）一同于将军澳电视城出席选出活动。玩游戏期间，两位肌肉男除了即席做Gym展示“力的表现”外，朱仔即席表演独门“口技”用口剥虾壳，技惊四座。

朱敏瀚展示“口技”

朱仔接受《香港01》访问时，被问到可有常以这“口技”哄女仔开心？他笑指以前从不觉得这是一个技能，只是一种平常的饮食习惯，但身边朋友初次见到确实会目瞪口呆；嘉洛即附和：“我第一次见到𠮶阵都话：‘哇，劲㖞！’”笑问嘉洛有否叫朱仔“过两招”，嘉洛即大叹：“我试过啦，我唔得呀！我幻想唔到只虾喺佢个口入面到底点样经历，先可以畀人剥晒出嚟。”至于问到朱仔可曾为女朋友用口剥虾展现体贴？他即尴尬笑回：“咁多多少少都有啲口水㗎嘛，唔好啦，都系用返手啦！”

与金钟国同框操肌　朱敏瀚大赞“好香”

提到今次《Grand住去首尔》，二人表示除了有高海宁带领他们去叹美食外，最大惊喜莫过于与韩星金钟国同框健身。朱仔坦言：“去之前，幕后话有机会同金钟国拍嘢，我都觉得：‘唔好吹啦？’去到𠮶日，佢行出嚟𠮶刻，我仲心谂：‘呢个系咪临演嚟㗎？’点知一睇，唔系，真系佢本人！而且佢教我哋唔系纯粹拍嘢做效果，系真系真心想教我哋，将佢认为好嘅skills传畀我哋，好真诚。”嘉洛大赞金钟国运动能力强：“佢嘅运动能力真系好好！佢唔系净系睇落去劲，佢系真系实用型、好机能性。佢成身嘅肌肉都系睇得又打得𠮶种！”

最好笑的是，朱仔在接受指导期间竟然情不自禁“狂闻”对方，更直指金钟国散发体香。记者笑指没想到他有此癖好时，朱仔解释：“唔系！因为𠮶个动作，我喺佢后面，感受紧佢嘅肌肉。距离好近，咁就闻到阵香味，不自然咁样就讲咗句：‘哇，好香啊！’”朱仔甚至忍不住用手触摸对方的肌肉质感；而嘉洛亦“唔执输”，笑言：“我都有摸㗎！我真系感受佢𠮶嚿肌肉啰，不过冇特别嘅私心话想摸多啲、摸耐啲。但朱仔就真系好欣赏。”

回应陈滢、陈晓华《璀璨之城》大尺度演出

另外，台庆剧《璀璨之城》近日热播，朱仔旧爱陈晓华（Hera）及嘉洛的绯闻女友陈滢在剧中均有大尺度突破性演出，引起网民热议。嘉洛坦言虽然未看该场完整戏份，但各大社交平台及讨论区都被洗版，所以都有看到。对于有网民觉得卖弄性感？他直言：“我无睇文字啊，净系睇咗新闻嘅画面咋，画面咁正。”嘉洛随后补充，自己完全不认同外界批评陈滢“卖弄色情”的看法，会否很肉赤？他表示：“我冇肉赤嘅，我觉得做演员，喺唔同嘅场口都一定会有机会面对到呢啲戏份。但客观咁讲，真系要睇返整场戏，先至可以有comment。”

日前适逢陈滢生日，问嘉洛有何表示？他透露稍后会一齐吃饭补祝对方生日。提到外界觉得二人关系好似变疏远？嘉洛直言：“完全冇㖞！好friend！（之前讲到好似降Grade咁？）几时有降Grade呢？一直都系好朋友！friend到不得了。”

至于旧爱陈晓华（Hera）在《璀璨之城》中与张智霖的的激情戏表现，朱敏瀚坦言有看该集：“我有睇第一集，我觉得首先个事情同剧情发展都非常之正常，我又唔觉𠮶场有啲咩特别。我自己点解会睇，系因为之前夜晚重播《十月初五的月光》，见到张智霖加澳门，我觉得一定要支持下。（觉得该幕激情戏如何？）我觉得𠮶场尺度上唔系话特别点样，我觉得成件事正常啰。我哋作为演员，可能外界会特别focus喺呢啲场口，但作为演员系睇成场戏，会睇点解会咁样发生，而唔系净系睇呢度锡、𠮶度锡。锡之前点解会咁？锡完之后佢哋关系点？唔可以净系focus喺焦点度。（个画面靓唔靓？）靓，而且有好多一shot落嘅画面，同埋我哋拍呢啲场口，幕前幕后都好花心机去配合灯光同镜头，唔系大家想像中好似平时喺屋企咁接吻。”

“三太”“KC”强势回归《爱·回家》 嘉洛称拍宣传片纯属烟幕

谈及近日《爱·回家之三代同糖》迎来“三太”樊亦敏和“KC”欧瑞伟回归，问到早前曾拍片帮手造势的嘉洛，可有收到通知“回家”对撼友台处境剧？嘉洛笑言：“三太回归紧系好啦！佢同KC系好正嘅组合，期待佢哋同新鲜组合擦出火花。至于我𠮶条片，烟幕嚟嘅啫！我都系受上面的指示拍少少嘢，其实我自己都唔知发生咩事。当日做完嘢通顶，睡醒收到讯息突然话要拍片。暂时真系没有收到通知要返去（客串）。（如果召你回去救亡呢？）我梗系听公司指令，尊重公司决定。”谈到《三代同糖》今周开始对撼友台新处境剧《你的保安李宝安》，问他会否都会观赏对手的作品，看看两者有何优缺点？嘉洛笑言：“我连《璀璨之城》都未睇，未必处理到太多嘢住。（会唔会唔敢睇隔离台嘅剧？）唔会啊，我觉得有时间先啰，有时间就咩都会睇。”

被问好友JW土耳其秘婚 两兄弟口密封口

提到好友JW（王灏儿）早前传出疑在土耳其秘密完婚的消息，当问到他们恭喜了对方没有时，两人都非常口密。嘉洛反问记者：“你firm唔firm㗎啲资讯？你要confirm先得！”问到他们可有向当事人求证？两人异口同声表示：“冇㖞。（你哋有冇去土耳其啊？）冇份啊！”被问到如果JW真的结婚却没有邀请他们会否生气，两人抵死的态度：“又冇㖞！”朱仔续言：“我觉得佢哋成班人去旅行系开心嘅，但少咗我哋两个，佢哋都唔会开心嘅。”周嘉洛随即笑补充：“系替佢哋可惜啰！”