周嘉洛和朱敏瀚昨日（26日）齐齐现身将军澳电视城，宣传他们与高海宁一同主持的全新旅游节目《Grand住去首尔》。两人皆对高海宁这位“旅行脚”赞不绝口。嘉洛表示：“好开心！高Ling真系一个好向导，佢会guide住我哋，话畀我哋知有咩系好嘢。特别系我，我自己旅行经验好少，今次系我第一次去韩国，第一次有包机嘅体验，又去首尔，又食咗好多米芝莲餐厅。佢真系食嘢嘅专家，连好难得嘅餐厅佢都Impress到！”

力撑前辈江美仪为人真诚

谈到另一位曾与二人合作的前辈江美仪，早前因节目《一个好人》卷入被质疑“做骚、假善心”的风波。朱仔和嘉洛皆表示没有留意事件，但力撑江美仪为人。朱仔表示：“美仪姐平时对我系好好、好锡我，非常体贴。我哋上一辑《试真D》去内地拍摄时间长啲，喺佢身边，基本上系照顾晒我哋嘅起居饮食，有啲似妈妈咁。所以佢对我嚟讲系一个好有义气嘅人，记得上辑我同曾展望要落一个好污糟嘅温泉，佢会即刻帮我哋向幕后了解点解要我哋咁，佢系会为朋友出头嘅人。”

嘉洛赞同朱仔的说法：“我哋除咗合作《试真D》，仲有啲剧集，佢做过我阿妈，其实佢真系成个妈妈咁。佢亦都好锡我，大家喺《试真D》相处起嚟好舒服；之前拍剧又系咁，无论做戏、做人，对我嚟讲都系好好。有义气、照顾后辈、直率，喺佢面前完全冇任何猜猜度度，感觉好真诚。”