艺人黄淑蔓（Feanna）昨日（30日）出席《新城劲爆颁奖礼2026》记者会，活动后接受《香港01》访问时被问到即将举行的首个个人演唱会，她表示已经准备得七七八八，现正进行彩排，但就未有透露会否邀请嘉宾。对于绯闻男友林子峰（牙石）会否捧场，Feanna笑言“佢会嚟啊”。

神曲《旋转木马》大热 承诺继续造好音乐

Feanna被问到对于《旋转木马》这首歌的成功，她笑称：“我觉得好开心啦，首先大家喜欢呢一首歌啦，因为其实创作呢一首歌嘅原意，就系想大家听呢首歌嘅时候会开心，咁我觉得做到。咁都多谢大家真系将呢一首歌分享出去，令到身边每一个人都可以感受呢一份喜悦，咁我嚟紧都会努力再做多啲好嘅音乐，去陪伴大家每一个唔同嘅情绪。”

甜笑谈及牙石 邀“好姊妹”见证重要时刻

Feanna被问到绯闻男友林子峰会否来撑场或做嘉宾时，她闻言“绯闻男友”就已经笑得很开心还即时问：“系咪即系牙石啊？”她表示：“佢会嚟啊，呢个唔可以透露咁多住嘅。”她亦指已经邀请“Ichiban Girls”成员到场欣赏，见证她首个个人演唱会。

急澄清黄泽林绯闻 指双方仅属网球波友

至于早前传出网球运动员黄泽林曾追求她，Feanna即时否认，并表示：“冇啊，我唔知道呢单嘢，我冇跟开啊！”被问到绯闻男友是否只有林子峰一人时，她即“口窒窒”笑指：“都冇…都冇，呢个就唔回应啦。”她更指自己和黄泽林只是朋友关系：“咁同Coleman都系朋友关系啦，一直都系。因为之前有一段时间，咁啱啱开始打网球，咁啱又要出席活动嘅时候，佢都系其中一个出席嘅朋友，所以就一齐打网球。”她被再三问到是否真的是朋友没有追求过时，她笑称二人只是朋友：“一齐打网球，呢个系朋友嚟嘅啫，我唔知，我完全唔知呢单嘢。”

。