男团Surfive成员黄星绰（细hugo）与姐姐黄小倬（小倬）昨日（30日）首度以“姐弟档”姿态出席《新城劲爆颁奖礼2026》记者会，二人接受《香港01》访问时，姐姐小倬更笑指：“其实我哋系第一次活动上面同场。”他们还不约而同地穿上黑色造型亮相，十分合衬。

家姐投诉细佬扮听唔到

对于二人首次公关系，细hugo说得十分神秘：“我哋嘅关系好神秘㗎，我哋由好细个开始就认识啦，咁基本上我一出世就认识佢啦，咁所以我哋嘅关系系十分之特别嘅。”小倬忍不住直接公开：“咁其实我就系佢家姐。”对于姐弟首次同台，姐姐小倬竟然有投诉？小倬表示：“我啱啱喺楼下𠮶阵，我哋支持佢啦，佢行出嚟𠮶阵，我哋就嗌黄星绰咁样啦，佢完全唔理我啰。”不过细hugo就解释：“我唔知系嗌紧黄星绰定黄小倬啊，太似啦！啱啱我一直都听唔到，究竟系黄小倬定黄星绰。”

分属对立团体无阻交流

谈到二人的关系，细hugo形容是“十分特别”，更指小倬不但是他的姐姐，更是他的“前辈”。二人被问到他们所属的团体可以说得出是“敌人”，在家里会否“收收埋埋”不让对方知道自己工作上的东西时，小倬则表示：“其实我哋系都几open嘅，即系我哋好多嘢都会大家一齐倾啦。例如有啲咩表演上嘅嘢啊，唱歌上嘅嘢啊，音乐上嘅嘢啊，其实我哋都会成日沟通，同埋问对方意见嘅。”二人经常会交流工作上的意见，互相提点，而细hugo表示自己推出的新歌时：“我啲歌咧喺出之前，家姐都会听一次。”

家姐狂赞细佬够努力

姐姐小倬更对弟弟细hugo“有赞冇弹”，更指他已经“大个仔”：“佢有好多舞台经验啦，又有拍戏啦。咁所以觉得佢自己搞得掂㗎啦，我就会喺隔篱帮佢、支持佢就OK㗎啦。（家姐觉得佢今年如何个表现？）我觉得佢今年其实系好努力，因为佢有好多嘢都系自己去争取，佢自己好有要求，同埋佢有自己嘅谂法，咁所以希望佢下年都继续维持住呢一个热诚，继续行落去。”对于未来的合作机会，二人都表示十分期待，更预告未来会有更多不同的合作计划，让大家拭目以待。

同居作息日夜大颠倒

他们更透露虽然同住一屋簷下，由于作息时间不同，可能细hugo在睡时，小倬还在直播。细hugo笑指昨日是早上6点半起床去做运动后再回家化妆出席活动时，小倬露出一脸惊讶：“咩话？6点半！可能我6点半先瞓。”