无线台庆剧《玫瑰战争》今日（1日）举行宣传活动，此剧云集三大视帝陈豪、陈展鹏、马国明，以及两大视后杨茜尧、林夏薇，剧集以娱乐圈斗争作为主轴，总监制钟澍佳透露剧本改编自吴沚默的小说《维多利亚的派对》，更感叹：“拍完呢个戏之后，发现娱乐圈真系好黑暗，好多黑幕。职场剧都拍好多，原来最黑暗嘅职场喺娱乐圈！”他表示掌掴、推人落楼梯已算事小，剧中将有更多阴暗面。而阿Mo、杨茜尧被追问剧中斗争是否影射真实娱乐圈时，在圈中打滚多年的两位就大耍太极，陈豪更大抛玄爆哲学金句。此外，阿Mo早前去横店拍《金枝欲孽》短剧，杨茜尧也相当有兴趣，问到会否想重演《宫心计》的姚金铃，她却希望翻拍另外两套作品。

杨茜尧再演复仇女王？陈豪被问娱圈黑幕玄妙回应讲完等于冇讲

问到杨茜尧今次是否再次化身“复仇女王”？她笑指：“有啲唔同嘅，今次复仇系唔同啲嘅，你话系咪呀？”身旁的陈豪即默契护航：“我觉得复仇有好多层次，有啲好表面、有啲好深层，有啲好奸，有啲复仇得来又开心，有啲复仇得来又唔开心，都系演技一种发挥。我知阿怡经过咁多年历练之下，已经唔一样。（杨茜尧：此仇不同彼仇。）”

剧集讲述娱乐圈斗争，被问戏中情节有没有似曾相识，陈豪反问：“你叫我哋爆秘密？爆得！系真嘅！所有斗争系真嘅，全部嘢都系假嘅。（杨茜尧：好玄，佢讲完等于冇讲，但又系啱㖞。）娱乐圈就系咁，你以为真嘅，其实系假嘅；你以为假嘅，其实又系真。”

被问尺度与《璀璨之城》比较 陈豪：肉搏、紧张、紧凑

至于陈豪今次饰演娱乐公司老板是否大奸角，他认为不能以单纯善恶划分：“又唔好咁讲，始终娱乐圈系复杂嘅地方。（杨茜尧：你奸嘅咩？我唔觉㖞。）See？娱乐圈老板就系咁，等于秦始皇，佢系衰人咩？又唔系；佢系好人咩？又唔系，佢充满住呢一个神秘同埋精致同埋呢一个⋯⋯（杨茜尧：我帮你揭开面纱！）”谈及现实中有否憧憬如戏中一样成为娱乐大亨？陈豪笑言：“有！咁多女明星走嚟掹我边，唔好讲喇，流口水呀真系！”然而被追问剧中有否艳福不浅的感情线时，他却大叹可惜：“可惜，有得睇，冇得使，唔关我事。”

当被问到剧中性感亲密戏份会否比早前热播的《璀璨之城》更大胆时，杨茜尧笑指：“唔使交畀我哋㗎喇，有人代我哋出㗎喇！”陈豪亦大卖关子：“相信大家抱住一个好奇方式，肉搏、紧张、紧凑！五光十色、大把嘢睇，嘭嘭声！又撞车又骑楼！”杨茜尧附和：“你想要咩都有呀！”

杨茜尧首演“演员”变法国影后：遇过嘅辛酸摆落去

入行多年的杨茜尧，原来今次是首次演绎“演员”角色，戏中是扬威海外的影后。她坦言：“系呀，系呀！第一次做演员角色。我哋做咗咁耐戏，真实嘅身份，喺套剧入面做返呢个演员。”陈豪笑指：“充满住讽刺感，好好！真又系，假又系，死未！”被问现实会否以影后此为目标，杨茜尧笑说：“我希望啦，我希望啦，几讽刺你话。（陈豪：疑幻似真，你以为真？原来假㗎？你以为假嘅？真㗎！死未！）”要揣摩一个演员的生活，杨茜尧直言完全是真情流露：“就系正常演，现实生活中有啲咩就摆落去，有啲咩想加嘅就加落去，遇过嘅辛酸摆埋落去。不过，我喺入面已经好高层次，上晒岸㗎啦已经。”陈豪随即补充：“法国影后！唔系香港，法国影后。”杨茜尧笑答：“我哋级数差唔多。”

杨茜尧结婚10周年平淡庆祝 陈豪：爱火系要重燃

除了新剧，杨茜尧早前与老公罗子溢罗仲谦迎来结婚10周年，被问到如何度过“锡婚”，她透露：“𠮶个叫做生活渡过，冇话点样庆祝。始终𠮶日系平日，要照顾小朋友，我哋提早同小朋友去公园玩、食饭、睇烟花，都好圆满，当系庆祝咗。同埋我哋都10年，好多嘢都在心中。”不过她透露陈豪私下给予温馨提示：“阿Mo有样嘢讲得好啱，应该系要庆祝，过吓二人世界保持新鲜。（陈豪：爱火系要重燃！）爱火冇熄过㖞！”问到罗子溢送了甚么礼物？杨茜尧透露收了花和礼物，但可能合拼了几个节日，陈豪再度挡驾：“我帮你答，关你咩事啫？花系前菜，主菜还在后。”

陈豪酷热下横店拍短剧 澄清：短剧唔等于讲对白全部突然加速

另外，陈豪早前北上横店参与《金枝欲孽》短剧拍摄，他分享这次全新体验：“OK呀，我自己第一次试，我知道佢哋制作模式系点样，虽然拍摄唔系好耐，但系又可以重返横店，隔咗咁多年，十零日已经成组戏完咗。”虽然要顶住酷热天气穿古装，但他认为非常值得。

大众普遍以为短剧演员要讲快对白，陈豪特意澄清：“个个都有个幻觉，以为我哋全部嘢会做快啲突然间加速，又唔系咁样，演员都系一样。只不过佢拍嘅镜头好多，我哋平时做多一倍。一场戏等于1集，变咗剪接上要好多镜头先至可以令到镜头更加快更加好睇。”讲到剧中是讲普通话还是广东话，他则神秘笑说：“秘密！”陈豪更透露内地短剧市场极为庞大，单是横店在过去一年便有超过3000组短剧进行拍摄。

杨茜尧有睇姚金铃Meme笑言追版权 想拍《茶是故乡浓》短剧

见到陈豪的新尝试，杨茜尧亦大感兴趣，讲到网民疯狂回带她在《宫心计》饰演的经典反派“姚金铃”，更为她设置了专页整Meme图，杨茜尧笑说：“我觉得佢应该畀返版权我啰！我有睇，做得几好㖞，但系系咪应该攞咗我哋头像都可以收返啲版权呢？好正呀！”问到若有机会拍短剧最想翻拍哪部经典？杨茜尧原来并非选宫斗剧，而点名《茶是故乡浓》或《酒是故乡醇》：“因为我未拍过𠮶类，所以我想拍。虽然短剧大家可能睇时装比较多，但其实古装都好多、budget好大；时装或者好似《茶是》、《酒是》咁，未去到需要好劲嘅装潢，可能比较化算啲，而且都系一个好嘅IP去重拍，大家都好熟悉。”