近期热播剧《你的保安 李宝安》入面，一向畀人斯文印象嘅杜小乔竟然大变身，饰演“长江大师”呢个风水命理师！剧中佢专帮保安们解决风水难题同奇难杂症，喜感十足。今次突破形象，小乔就话希望畀大家见到自己鬼马、搞怪嘅另一面：“我觉得今次拍剧最大得著系学到执生嘅反应！好似剧中李宝安（李尚正饰）有时会将对白变成有旋律嘅动作，甚至唱出嚟，其他演员又会好夹咁即场响应，成场戏最后好似变咗一个有律动嘅歌舞场景咁，好好玩！”

杜小乔近期频频四出睇楼

密密拍剧同做舞台剧嘅小乔，因为最近有搬屋计划而频频四出睇楼。日前佢就去咗奥运站附近嘅新盘“逸里1号”参观。身为“文青女神”，小乔对生活自然有一套坚持：“我会睇返自己当日嘅状态，有时想出街行吓、饮杯咖啡、影低一啲吸引自己嘅小细节；有时就想留喺屋企，唔安排任何节目。对我嚟讲，生活品味唔一定系去几特别嘅地方，而系有冇留意自己真系钟意啲乜。放假唔一定要过得好精彩，过得舒服都好重要，所以我好着重屋企本身嘅环境同周边配套够唔够舒服。”

今次睇楼嘅地段附近有好多特色小店，完美平衡咗“方便”同“生活感”。小乔大赞：“工作时想出入有效率，放假就想落街行吓，慢慢认识附近嘅小店。我好enjoy coffee time，周围试吓唔同嘅咖啡店。对我嚟讲，交通方便嘅意义唔只系去多几个地方，而系可以留返多啲时间畀自己。”

杜小乔选屋最注重光线

讲到理想安乐窝嘅条件，小乔直言唔一定要好大或者好豪华：“我最重视自然光、舒服嘅空间，同埋适合自己生活习惯嘅布局。屋企一定要有一个可以坐低饮杯嘢、睇吓书、放空嘅角落，呢个好重要；亦想留啲空间，慢慢放入自己钟意嘅物件同回忆。我心目中嘅屋企，系一个可以令自己真正放低戒备嘅地方。”