无线台剧庆《玫瑰战争》昨日（1日）举行宣传活动，今次吴沚默身份非常特别，除了是演员，她更是剧集原著小说《维多利亚的派对》作者。总监制钟澍佳向她买版权，问价钱可观否，她笑言：“呢个梗系娘亲价！你对你娘亲会唔会狮子开大口？唔会吖嘛！”剧集揭破娱乐圈黑幕，恰巧早前吴沚默亦在社交平台自爆潜规则事件，虽然她在国内主演的短剧抖音流量破亿，但过往试过去选角后明明对角色志在必得，不过最终知道原来有内定，对此难免心酸，不过也只得把握时间另觅其他试镜机会。而讲到AI短剧盛行，会否感觉受威胁，她虽然无奈，但同样积极表示：“你演得一定唔可以俾AI取代！你点样处理角色，再细致啲，点样再令人意想不到，再有层次啲，咁要靠自己，你要打过AI ！如果你打唔过AI，俾人取代都系应该。”

心血小说拍成剧集似生仔　大赞杨茜尧表演天才永不被AI取代

吴沚默对于心血从文字变成剧集，并有视帝、视后等出演，她在台上形容感觉紧张似生仔，受访时再补充：“非常紧张，我有个比喻，就系生小朋友，养到10岁，等佢出国， 10年之后留学返嚟，唔知佢咩样呀依家。”吴沚默在其中参与一角，非常感谢总监制钟澍佳除了购买其小说版权，亦邀她参与其中一角。问到是自选角色还是由佳导选角，她说：“佢冇讲过，佢冇讲过，我都系被通知。”她的角色是主角杨茜尧复仇的一把刀，自己未有深究为何被安排演这个角色，能参与拍摄已很开心。吴沚默笑言：“我可以好近距离欣赏……由细睇到大嘅偶像杨茜尧小姐嘅演出，佢真系表演天才，我都觉得佢永远唔会俾AI取代！佢真系好劲！”她指自己是创作者，已有上帝视角，演出时反而要不断提醒自己抽离，亦感谢钟澍佳很尊重她，改编前有问过她最想保留和表达什么，“佢讲讲吓个设定同情节点样改，但内涵冇变过，就系对作者最大嘅尊重。”对于其他选角，吴沚默指全由公司和监制决定，自己都是睇小红书才知道，感觉像拆盲盒。

《玫瑰战争》揭娱乐圈黑暗面　吴沚默认有参考自身经历创作

问到写小说时是否从自己在娱乐圈的所见的真人真事取材，吴沚默表示：“每个行业都有黑暗一面，好多行业都有，其实系人性。有啲人想通过捷径攞啲唔属于佢嘅嘢，呢个每个行业都有，原著小说亦都系有两个时空，有一个时空系90年代嘅香港，𠮶时又确实娱乐圈有钱，钱多嘅地方自然有黑暗面，确实有𠮶个年代嘅特色。而家改编咗之后，变成比较现代少少嘅时空，要因应依家真实嘅情况做一啲改编同埋加剧呢个冲突，同埋𠮶种戏剧性，所以有一啲唔同。”她不便透露有哪些情节是真实发生，叫大家观看时联想，又表示有某些情节，观众可能会联想到一些艺人：“我写嘅时候都有加入自己喺娱乐圈嘅感悟，当然唔系话黑暗嘢，作为女演员会点样谂呢？几想得到呢个角色你会付出啲乜嘢呢，都会参考自己心态， to be Honest。”

曾对角色志在必得却遭踢走　揭选角内定潜规则：要揾人陪跑都正常

吴沚默虽然在国内拍短剧《姐姐的反杀时刻》，于抖音有破亿流量，但她之前拍片透露，接获选角导演通知，原本一个志在必得的角色已经定角，但并非自己，她坦言不少剧组其实早有“内定”安排：“有啲选角导演会好诚实同你讲，我想同妳合作，但系呢个剧本冇合适你呢个年纪嘅女性角色；甚至有时去试戏都只系行个流程，因为角色实际上已经内定咗。”访问中她直认：“唔系我哋公司，出面都经常发生，我都试过，明明你觉得好应该系你，本身已经系你，跟住俾人踢走咗都试过。（问：会唔会系一早已内定，但要揾人陪跑？）我觉得一定系有呢啲情况，你如果系个casting，都希望场面做得靓啲，我觉得可能我系casting，我都要揾人陪跑，好正常。”虽然她会不开心，但认为不开心是没用，宁愿抓紧时间去试下一个角色。问到要四围叩门会否很辛酸，吴沚默指TVB在横店有经理人，所以有人保护，无需担心自己安全，并谓：“既然我决定呢段时间喺呢度发展，我唔系过嚟度假，唔系日日瞓醒饮咖啡、叹，我一定争取更多机会，尤其依家长剧少，连短剧依家都少，你唔去争取，边个会俾你呢？我觉得我做得冇错，同埋我都鼓励演员去主动啲。”

AI短剧威胁真人演员生计　吴沚默积极增值：打唔过被取代都应该

AI短剧越来越盛行，吴沚默不讳言是一个威胁，自己冇睇，但屋企人有睇，她感到十分无奈：“的而且确令到好多真人短剧冇咗，呢个系真实嘅情况，任何人都否认唔到，唯有希望……激励作为演员嚟讲，你演得一定唔可以俾AI取代！你点样处理角色，再细致啲，点样再令人意想不到，再有层次啲，咁要靠自己，你要打过AI ！如果你打唔过AI，俾人取代都系应该。”至于长剧会否有可能被AI取代，她就说：“我好似暂时冇睇到一套长剧系AI，好似暂时未有，始终长剧同短剧讲故事方式，同埋大家睇嘅习惯都系唔同，我觉得长剧可能难啲。”