王祖蓝昨日（2日）出席TVB节目《夫妻肺片2》录影后接受传媒访问，大谈与老婆李亚男的夫妻相处之道以及凑女经。祖蓝笑言最近为大女的“感情状况”感到无奈，大爆年仅几岁的女女竟然有“小男友”：“佢每日都真系离离合合咁样，仲未揾到真命天子，跟住又轮住咁样啲男朋友系咁转，所以我都冇办法啦，近排又话好返复合啦，我都就系捉摸唔到啊，法印咁样啊真系。”他笑指自己作为爸爸对此“冇得管”，只能无奈“反白眼”。

祖蓝爆爱妻秘诀：百分百配合

祖蓝表示自己和老婆非常“甜甜蜜蜜”，连专家都嫌弃：“我哋烟烟韧韧，甜甜蜜蜜，专家都吓亲啊，专家顶唔顺都嫌甜，即系甜得滞啊。”在女儿面前，祖蓝与李亚男都十分甜蜜，看得女儿都不禁嫌他们太烦及对他们反白眼，被问到会否因为女儿而起争执时，祖蓝表示：“其实全部都佢话事。配合佢！”老婆李亚男会负责看书和上堂，然后他就会“百分百配合”。

贺曾志伟获奖 预告TVB 60周年群星回归

日前，曾志伟荣获“第十九届世界杰出华人奖”，祖蓝表示已经恭喜他，但在镜头都要再恭喜一次，十分识做。他更大爆与曾志伟“有嘢倾紧”：“近排都有啲嘢倾紧。”他更指来年TVB 60周年，曾志伟会率领一班好友回归庆贺：“下年台庆应该大家都会返嚟𠮶啲，60周年！应该大家返嚟，咁佢一话做总经理都要返嚟。”

撑电视大战良性竞争 叹演艺圈揾食艰难

至于谈到早前的“电视大战”，祖蓝则认为：“百花齐放咪几好！大家有工开，依家个行业都困难啦，其实我觉得总之唔同嘅人有工开，百花齐放，对个整体嘅生态都系一个好事嚟嘅。”被问到有否被TVB急召回来帮助，他笑指：“我哋不嬲都有返嚟，耐唔耐都返嚟，我今日都返咗嚟。咁出年60周年，咁60周年，我又觉得返嚟谂下嘢都正常嘅。我觉得百花齐放就好啦，真系最紧要，依家呢行无论电影电视好，你谂下依家拍电影啲人又走去做舞台剧，做电视𠮶啲人又去做演唱会，即系其实你见到𠮶个行头真系已经好困难啊。仲有工开其实都值得鼓励，即系我觉得良性嘅竞争对任何人都系一件好事。”