苏志威与刘小慧结婚多年，一直恩爱如昔，昨日（2日）二人出席TVB节目《夫妻肺片2》录影，他们接受传媒访问时大谈夫妻与亲子相处之道。亦谈到早前陈奕迅（Eason）担任草蜢演唱会嘉宾时，在台上公开自爆读书时期曾迷恋“学生情人”刘小慧，更将她的海报贴在床头。对此，苏志威不但没有吃醋，反而感到相当自豪，笑言当年抢了许多少男心目中的学生情人：“我觉得每个后生仔，每个青年都会有佢自己嘅偶像同埋女神。我以前都中森明菜𠮶张poster摆喺我个床头，系个个都有呢个阶段。”刘小慧则笑指当年不少男生都有类似想法，苏志威更打趣透露其实还有“天王级”歌手曾是老婆的粉丝，只是不便开名。

拒绝干预放手成长 打造家庭“充电站”

谈到育儿心得，拥有二十多年为人父母经验的刘小慧表示，家庭最重要是成为女儿的“充电站”，维持紧密的亲子联系：“我谂作为一家人最重要，亦都喺人生里面，我觉得系好重要嘅一家人系𠮶种紧密程度。”她直言对女儿十分放心，从不担忧她们独自外游，例如早前女儿独自到泰国旅行：“我相信阿妹应该有足够智慧会去识得保护自己。”她更鼓励女儿放手去试，学习独立解决问题。苏志威则认为“养儿100岁，长忧99”是真的：“咁其实𠮶个担忧，系都会有少少担心嘅，但系担心之外，唔系干预。即系你唔好因为你嘅担心，你干预咗佢。”他举例说明怎样是干预：“我觉得你去泰国好危险㖞，你唔好去啦，嗱！𠮶啲就叫干预，咁如果佢真系要去嘅就提醒佢。”

放下父母身段 互相交流学习

至于夫妻相处之道，苏志威认为最重要是沟通与放下身段：“将你父母嘅身份去放低，即系唔好成日以为你做父母一定系讲嘢系啱，因为佢哋已经就一个19，一个27。佢哋有佢嘅思想、有佢嘅接触、有佢嘅谂法、有佢嘅智慧，咁好多时我哋要倾偈去睇下大家嘅睇法，可能从中喺佢哋嘅身上吸收得到一啲你自己缺少嘅嘢。”

不在子女面前争吵 闩埋门先检讨

二人被问到会否因为女儿而吵架时，刘小慧表示甚少为女儿争执：“即系如果你问我可以讲话，完全冇。头先我老公喺节目度分享教小朋友，如果已经决定咗我系负责呢一个范畴嘅话，就算我做得唔好，一定会喺个子女面前话：‘喂！你做乜咁样话啲子女？’咁你会令到个子女更加觉得我应该听边边呢？咁样更加混乱，可能我有做得唔好嘅地方，之后就闩埋门问我：‘喂！点解头先咁大情绪啊？’咁样最多都系试过一两次。”