由伍咏薇与李凯贤主持的HOY TV节目《九运会客室2》，最新一集请来相识逾三十年的好姊妹袁洁仪与宝珮如作客。袁洁仪亲自揭开当年过档TVB后的离巢真相！原来全因一次为保饭碗的“划假期”风波，令她惨被飞出剧组；她更大爆大台化妆间阶级观念极重，但她看透人情冷暖，叹谓一切只怪自己命水唔好。

底薪唔够供楼 误信PA教路“划假期”中伏

袁洁仪忆述当年签约大台，单靠微薄底薪根本无法生活：“底薪都唔够供楼，出面嘅嘢都要自己不停去跑。” 有次她已预早请假接了东莞登台，却仍被编排通告，幸好获通情达理的导演跳拍放人：“我同导演讲：‘导演唔好意思，其实我今日请咗假，但畀咗通告我都照返，不过我真系要一点钟走。’好彩导演话：‘下个镜头你拍啦！’真系放咗我走。” 为免甩底赔巨款的事件重演，有PA向她教路指大台请假极难：“不如你将跟住𠮶一年有咩假期，你自己一次过写晒落去啦！”

袁洁仪为保生计信以为真，将预计登台的日子全部划上，结果惹祸上身：“我真系填晒啲假落去，点知填完之后，上面就话：‘𠮶套剧唔使你开喇！’我心谂大镬喇，嚟紧一年公司实唔会再签我喇！我谂到，又真系唔签我。”

几千蚊月薪变零 交卡走人转靠自己

一如她所料，两年合约期满后，大台并未续约：“总之有月薪嘅，但系好少，每个月得𠮶几千蚊。约满之后，就叫我交卡走人喇。” 两年大台生涯画上句号，失去稳定收入的她反而看得很开：“我心谂唔紧要啦，算啦，都系靠自己出去闯好啲。”

爆化妆间阶级分明　遇冷待无怨言：怪命水唔好

除了约满离巢，袁洁仪亦经历了极大的文化冲击。她坦言亚视向来无分大小：“以前喺亚视冇呢啲规矩，边个化妆师得闲，边个就即刻埋位化。” 但去到TVB却惊觉阶级观念极重：“譬如你入到去化妆，佢会摆明叫你：‘唔该你企喺𠮶边等。’明明好想求求其其自己坐低化求求其自己坐低化，无分彼此咁……佢而家等紧主角化妆，你唔好行埋去呀！” 宝珮如亦和应指，大台有专为主角而设的化妆师，绝对有分层次。

虽然被冷待，但性格豁达的袁洁仪毫无怨言，直指遇到汪明荃这类大阿姐，乖乖在一旁等候是理所当然：“我觉得都啱嘅，你自己咩料？你只能够羡慕不能妒忌，人哋真系有咁嘅级数。” 她强调整件事绝对不是单一电视台的问题，而是社会的现实缩影：“其实呢个道理，喺每一个范畴、每一个行业都系咁。” 她坦言自己不会怨天尤人：“冇错，你唔能够怪自己个命水唔啱……我唔理，总之我学到自己嘅嘢就唔多讲嘢，我就乜Q都唔理，亦觉得系应该。”