无线台庆剧《玫瑰战争》日前（1日）举行宣传活动，一众主演齐集现身。同场的陈展鹏、姚子羚与傅嘉莉（Kelly）接受《01娱乐》访问时，大谈剧中的娱乐圈斗争戏码。当讲到男艺人会否争C位，展鹏说“互沟”比较多，大爆早年经常成群结队到欧阳震华（Bobby）家中留宿冲凉，“一张床几个人瞓”的秘史！而讲到展鹏与子羚的圣诞节演唱会海报引发网民创意改名，例如“鹏羚”、“砰羚鹏唥报佳音”等，姚子羚笑言：“一早就应该要用呢个名啦！‘砰羚鹏唥’快啲揾我哋‘鹏羚’搞返个演唱会。”陈展鹏亦大赞网民有创意！

陈展鹏相隔多年演富豪着靓衫 爆剧中感情戏尺度好“么”

过往十年多演草根角色的陈展鹏，今次在《玫瑰战争》中终可一尝富豪滋味，他难掩兴奋地表示：“好开心今次呢套剧好耐未试过着啲咁靓嘅衫，之前十年嘅剧都系比较草根，原来keep一keep fit，染一染个头，出嚟都衬到Kelly！”傅嘉莉即大赞他剧中造型“好靓仔”，又揸名车又带名表。问到可有出动私伙，Kelly问陈展鹏戏中名车是否属于他，他即笑指：“曾经系我，我有时去睇车都成日上咗架车当系自己，𠮶架车都已经差唔多绝版，又系靓嘢。（Kelly：𠮶架车追边一个女仔都应该会成功。）追每一个女仔都用唔同嘅车，系追老婆先唔车佢，因为佢自己有车。”而傅嘉莉亦透露，今次获名表赞助：“应该系我人生戴过最贵嘅一只表。（姚子羚：我哋每个人有专属颜色，系玫瑰嚟。）”

被问到剧中是否艳福无边，展鹏大卖关子形容当中的三角恋关系：“系一种感觉，一种三角恋嘅感觉，有一种张力，令到大家好似有又好似冇，我哋唔会太呈现出嚟，如果唔系就勾唔住观众嘅心。”叫他对比与《璀璨之城》的尺度，他形容十分“么”：“成日想有，但系好似冇。”傅嘉莉则笑言负责暴力担当，并爆料指姚子羚在剧中惨遭撕烂衣服。

姚子羚演经理人不敢参考珍姐乐小姐 抛Do姐金句回应争C位

姚子羚今次挑战饰演演员兼经理人的双重身份，被问到会否考虑将来真的转行做经理人，她笑言：“你而家咁讲，可以谂一谂，我要叫阿Mo（陈豪）开间娱乐公司先可以谂一谂！”问到有否参考高层曾励珍（珍姐）或乐易玲（乐小姐），子羚直言：“佢哋太高层喇！唔止经理人咁简单。我嘅身份又系一个演员，又系一个经理人，所以都会用自己谂嘅方式去做，对 Judy（邝洁楹）特别恶，佢始终比较野性难驯。”

剧中讲述娱乐圈的女星明争暗斗，问到现实中有否遇过“批踭”或争C位的情况？子羚幽默回答：“我哋成日都互批，依家都批咗啦！”并霸气引用郑裕玲（Do姐）的名言：“C位唔使争，好似Do姐咁讲，我企喺边度，边度咪C位啰，所以佢就系Do姐！大部份其实都安排好晒，唔需要特别争。同埋我哋呢套戏女仔相处都OK，倾吓用咩化妆品，请大家食嘢，完全冇呢个问题。”

爆男艺人互去对方屋企冲凉留宿 去欧阳震华住所最多：一班人瞓一张床

相较于女演员间咬牙切齿的争斗，当讲到男演员会否争C位时，陈展鹏却说大家“互沟”般亲密：“我哋成日互沟！成日上大家屋企冲凉，唔够瞓又瞓吓人哋张床，你哋女演员唔会㗎喇。我哋一班人去一个人屋企瞓一张床，而家结咗婚就少啲，以前男人真系男仔多，宵夜、挨完夜去边个屋企，冲埋凉瞓埋觉，‘喂，你自己起身就入厂喇！”

问到去过哪位男演员家中最多？陈展鹏点名感激欧阳震华（Bobby）的照顾：“我印象最深就系欧阳震华屋企！𠮶时Bobby住喺西贡清水湾道，个个都去佢屋企，佢好钟意人哋去佢屋企，‘你嚟我屋企冲凉！’佢好主动，我好记得！因为𠮶个年代唔系个个有车，交通冇咁方便。有时凌晨三、四点收工，第二朝又开六点，想冲个凉、瞓一瞓干净啲，所以佢好好，以前啲前辈真系好好好！”傅嘉莉听后提议开拍续集讲男星秘史。

鹏羚回应网民献计食字演唱会名 傅嘉莉预告首唱片尾曲

对于展鹏与子羚的演唱会名《圣诞展翅．羚距离》引发网民创意改名，例如“鹏羚”、“砰羚鹏唥报佳音”等，姚子羚笑言：“一早就应该要用呢个名啦！‘砰羚鹏唥’快啲揾我哋‘鹏羚’搞返个演唱会！”陈展鹏亦大赞网民有创意：“我觉得佢哋好叻，出嚟嘅效果good 啦！又冇伤害人，喺个讨论区又咁多留言，而家年代真系唔同，唔使咁认真，开心吓笑吓。”

之后傅嘉莉就惊喜预告，将会联同姚子羚及林夏薇为《玫瑰战争》合唱片尾曲，这是她首度参与剧集歌曲献唱，直言心情非常紧张。被问到下次宣传活动会否即场唱Live，陈展鹏大表赞同：“好㖞！唱Live好㖞！”姚子羚亦表示希望有机会献唱给观众听。