影后卫诗雅（Michelle）昨日（3/11）出席品牌活动，同场更有韩国女神宋慧乔，卫诗雅身穿亮眼造型现身，状态大勇。早前拍剧意外割伤嘴唇、缝了逾50针的她，接受《香港01》访问时精神极佳。提到同场的女神宋慧乔，卫诗雅雀跃透露二人有合照，可惜时间仓卒未及深谈：“见到啊！我哋有合影，但无机会讲嘢。我本身仲练定咗啲韩语，喺度讲咗成一百次，点知无机会讲添！佢真系女神，见到佢好似发光咁，好靓好靓！”

卫诗雅笑言老公也是韩剧迷，二人平时在家更会为了抢电视睇剧而斗嘴：“我哋平时都有争电视睇㗎，好似琴晚我想睇韩剧预告，佢一出来就话要睇《重庆森林》，最后多数都系我就佢睇先啰！”

新戏破天荒公开嘴唇真实疤痕 奇迹恢复知觉非常感恩

卫诗雅早前拍剧被玻璃割伤嘴唇导致肌肉及血管撕裂，以往出席活动或拍戏均会贴上胶布遮盖伤口，避免化妆品刺激。不过她透露，在正拍摄的新电影中，将会首度将真实疤痕展现于人前：“因为由受伤到而家，我个伤口都一路上胶布盖住，一来唔想化妆啲化学嘢掂到佢。但依家拍紧呢套电影比较特别，导演见到就话：‘咦，你呢个疤痕同个角色都几吻合㖞！’佢问我介唔介意将个疤痕公开。我本身其实唔系咁想公开，但后来睇过觉得真系同个角色非常吻合，好配合，所以我就唔介意啰！呢套电影大家会见到我公开呢个疤痕。”

提到伤势进度，卫诗雅更带来喜讯，指失控多时的神经开始渐渐恢复知觉：“我之前唇边个位置一直都系硬晒、摸落去完全无感觉嘅，我老公睇访问知道都好惊。点知大概三个星期前，我无端端摸落去，觉得有返感觉！我𠮶刻好开心啊，即刻不停摸，感觉到自己个嘴唇，可能系入面啲线开始溶返通返，有返感觉真系好感恩、好高兴！”

同老公亲咀如何面对？卫诗雅爆笑回应：打咗啦！

伤口虽然逐渐好转，但外界也相当好奇，在受伤休养期间与老公周祉安医生亲热或亲咀时，会否需要小心翼翼避开嘴唇伤口？被问到同老公锡锡时如何面对，卫诗雅当场幽默爆笑回答：“打咗啦！哈哈哈！哎呀，又唔会嘅，正常啰，正常嘅接触啰！不过呢啲确实系有啲难嘅，哈哈哈！”

她续指老公平时虽然工作繁忙，但非常关心她的康复进度，经常提醒她要按时返香港做激光疗程及善后护理。现时伤口已无须特别戒口，防晒与避免直接晒太阳成了最重要的一环。