一代洪拳宗师刘家良入室弟子、黄飞鸿第五代传人何麦（Mark Houghton）早前离世，终年64岁。家属早前为他在红磡世界殡仪馆设灵，多位圈中人都有送上花牌致哀，但身为星二代兼“最强打女”的女儿何慈茵（Charlene）却被指未有现身，连花牌都不见踪影。

面对外界种种揣测，Charlene昨日（6日）接受《香港01》电话访问，Charlene亦首度开腔解开“缺席丧礼”之谜！她大爆原来一切皆因亡父的“女朋友”Christie自作主张，连亡父身份证都霸占，令她极度反感，最终决定只低调到场见亡父最后一面！

父母七、八岁时离异 父女关系依然极度亲密

Charlene虽然是家中独女，但她透露原来在英国有一位同父异母的哥哥：“其实爸爸喺英国有个仔，同父异母嘅，但系我哋都好少接触，佢都好少嚟香港。” 谈及父母的婚姻，她坦言两人在她小学时期已经分开：“我小学七、八岁嘅时候已经离婚喇。”

虽然父母离异，但这完全无损她与爸爸的深厚感情。Charlene哽咽表示两人关系一直非常要好：“我同爸爸嘅关系都保持得好近、好亲密。经常见面，（父离世）前一晚仲有WhatsApp，讲吓啲琐碎事、send搞笑片，第二日就好突然咁走咗。”

怒轰亡父女友独揽大权：身份证、医学资料都唔畀我

对于被指绝情缺席丧礼，Charlene大呼冤枉，直指整个丧礼风波全因亡父的“女朋友”Christie而起：“其实爸爸离世之后，我本身谂住同佢女朋友合作可以搞好件事，同佢商量点样去搞，但系大家嘅意见唔一致！”

她透露自己本想为爸爸举办一个无宗教仪式的丧礼，但Christie却极力反对，更强行独揽大权：“我系佢个女，但佢女朋友完全唔肯将我爸爸嘅身份证、所有医学资料畀我，佢要坚持揸住文件，因为佢想用佢嘅方法去做！佢所做嘅嘢同我完全系相反嘅。”

Charlene透露父亲离世后已即时到医院见最后一面：“我都有去医院见佢遗体，第二日睇使唔使解剖。”但最令Charlene气愤的是，Christie竟然完全无当她是一回事，将她当成外人：“我第三日从朋友口中先知，原来佢女朋友已经安排晒所有丧礼嘅日子，完全冇同我商量，自作主张出晒所有Po（帖子）！完全冇同我讲过，我系‘被通知’㗎！”

宗教分歧成导火线 拒绝做大龙凤宁私下悼念

谈到丧礼形式，Charlene指爸爸生前其实并没有特定信仰：“我爸爸其实唔系佛教、又唔系道教徒，佢好迷信，泰国佛又拜、大圣爷、关公乜都拜一餐。因为我系基督徒，对我嚟讲呢啲好反感，我话不如用无宗教仪式去做，佢（Christie）又唔肯，仲要搞道教破地狱，我觉得好唔钟意！”

Charlene曾极力争取话语权，甚至表示愿意全数负责丧礼费用，奈何Christie仍一意孤行：“佢完全冇问过我，已经同晒所有人讲，外国徒弟、亲朋戚友已经即时买晒机票，我想Cut（反对）都做唔到！我同Christie商量，话我真系好唔钟意呢个安排，爸爸系最锡我嘅，爸爸一定会想跟我嘅方法去做，爸爸一定系想我开心，想我去处理佢嘅事，而唔系佢女朋友去处理。”她曾建议重新安排，并负责出钱，但被拒绝：“我话全部我出晒，用我无宗教嘅方法去悼念爸爸，但佢哋好坚持唔肯，我唔知点解。我又冇爸爸身份证同文件，火化纸都冇，所以逼住由Christie去处理。”

面对Christie的独断独行，Charlene坦言非常失望及觉得不被尊重，故决定不再参与这场“大龙凤”：“我好礼貌同佢讲，‘你所搞嘅丧礼我系唔认同，我唔会参与嘞’。”问到是否没有送花牌？她语带哽咽地说：“我会用我自己方法去悼念爸爸，只系觉得佢哋做出嚟丧礼，系做畀而家在生嘅人睇、做骚啫。我点样去怀念爸爸，喺自己私人地方悼念，我唔需要做骚畀人睇！我要纪念我爸爸，我会好挂住佢，但唔想做呢啲嘢。”

踢爆无结婚证书 揭低调闪现丧礼原因

Charlene更大爆Christie对外自称是“老婆”，以“未亡人”姿态掌权，但其实两人并无注册：“佢同我爸爸其实系冇结婚，只不过系男女朋友关系，但佢不断用夫妻名义去称呼，话我爸爸系‘先夫’，佢系‘老婆’身份，所以有权做晒所有嘢。呢件事我都好反感，我有叫佢唔好咁做，但佢坚持话自己系老婆，又冇结婚证书证明，只系强调一齐咗33年，有权做所有嘢，然后乜都唔畀我掂！”

Charlene就此强烈反驳，指爸爸生前曾多次亲口强调两人并没有结婚，亦绝对不会再婚。她更爆出爸爸生前为免误会，每次都会当面纠正：“喺公开场合，如果有人误称爸爸女朋友做佢老婆，爸爸都会即时澄清，只是女朋友。”而为了厘清事实，Charlene亦已查明真相：“查过佢哋系冇正式结婚，没有结婚证书。”

Charlene坦言妈妈那边亦对这件事好失望，故妈妈未有出席丧礼，但她自己最后有低调到场，并非无情无义：“但我最后都有出席，我都有同爸爸每一个徒弟、每一个喺英国飞过嚟嘅亲朋戚友逐个握手问候。我纯粹想去再睇一次爸爸，唔想再同Christie𠮶边嘅人有任何交流，因为佢哋真系好唔尊重我！”