无线台庆剧《璀璨之城》今晚（6/11）于澳门盛大举行“结局夜”一众主角隆重登场与观众齐齐迎来大结局。剧集连日来话题不断，当中张曦雯（Kelly）一场当场解裙脱衣、上半身赤裸的半裸大露背重头戏，在播出后被发现遭大幅度删减，正片仅保留了数秒画面，引发网民热议。张曦雯与吴卓羲今晚在活动现场接受《香港01》访问，首次大方回应戏份被删一事，并分享拍摄点滴与个人感受。

拍足4小时镜头遭裁切 张曦雯豁达面对：无觉得可惜

提及正片播出的画面与当初拍摄时的落差，张曦雯透露拍摄过程相当繁复且用心，拍出来的效果与最终播出的确有差别“系啊，同我拍嘅系唔同嘅，我哋拍𠮶阵时系由我肩膀，跟住条裙落，落到裤衩位，咁依家系cut咗啰。我拍咗三个钟，我哋加埋彩排都有三四个钟……但就唔知佢哋最终Cut咗约多时间。如果你问我可唔可惜？咁我就唔觉得可惜。因为做演员其实睇一场戏，只会系着紧个情绪或者表达唔表得到𠮶场戏要讲嘅嘢。我觉得我做演员已经做咗我嘅职责。”

吴卓羲力撑拍档落力演出 坦言：拍咗当然想完整播放

同场的吴卓羲（Ron）对于拍档张曦雯的付出一看在眼里。他坦言站在演员的角度，看到对方如此用心演绎，自然希望精彩画面能够完整呈现给观众：“如果以演员嘅角度，拍咗咁系想去播啦！睇到佢𠮶个落力、𠮶个心机去拍去就去演，最后佢个表情大家都好钟意。不过我哋演员嘅职责只系𠮶个过程啰，之后点样去cut其实每一套剧都一样，系导演与高层嘅取舍，剪短剪长都唔会同我哋讲，我哋都系播咗之后先知道。”

被传靠大尺度戏份冲击视后？张曦雯：从未想过拿奖

对于有传这场大尺度戏份是为了“换取视后”奖项而设，张曦雯澄清自己从未抱著拿奖的心态去演戏，每一次都是以剧本为首要考量：“我完全冇谂过呢样嘢！我只系每一次收到剧本都系尽量跟住剧本，做好自己个角色嘅本份，从来都唔系谂边一场戏拿奖。本身呢个角色对我嚟讲已经系一个突破同挑战，喺呢个角色身上我已经拿走咗好多嘢。”

大结局收视寄予厚望 吴卓羲：全剧成功先系最高荣誉

被问到对大结局收视及个人奖项的期望，吴卓羲抱持随缘态度，认为整部剧集的成功与观众的喜爱比个人荣誉更为重要：“我完全冇期望过攞奖，我纯粹系想拍好部戏就得㗎啦！整部戏唔系一个人嘅荣誉，整部剧好、大收视，我已经好开心。今晚睇完大结局，出咗收视再睇吓点啦！”