现年52岁的刘恺威自与前妻杨幂离婚后，感情生活一直备受外界关注，近日他与现年32岁的黎纪君高调认爱，随即引来网民热烈讨论。刘丹（丹爷）与马海伦今日（7/11）现身乐富出席公开活动，对于儿子刘恺威近日被爆与新欢黎纪君发展新恋情一事，丹爷在接受《香港01》访问时亦首度大方回应。

丹爷开怀大笑表示只要儿子幸福便足够：“佢哋开心，我哋就开心啰！我见过佢好短时间，因为时间太短啦，其实阿仔佢拍拖佢会同我讲，总之佢哋开心，我就开心。（个女仔印象如何？）始终见面时间太短，再了解多啲嘢都未到𠮶个阶段，慢慢嚟啦！”被问到儿子有否带女友到家中吃饭？马海伦抢答：“屋企点食饭，刘太都唔煮，佢只系烚菜𠮶啲，佢屋企冇饭食㗎，所以我哋拍《爱回家》嘅时候咪攞嘢畀丹爷食啰，我哋系唔俾刘太知㗎。”丹爷笑说：“我屋企唔请人食饭。”

马海伦口快快爆小糯米英国留学　丹爷面露难色苦笑确认

丹爷被问到孙女小糯米能否接受爸爸有新伴侣时，马海伦即抢答：“孙女喺英国，佢唔知㖞。”意外大爆小糯米现时正身处外国读书，完全不知道父亲有新恋情，场面尴尬。此时，丹爷面露难色，被迫确认说：“佢喺英国读书，不过我谂佢知道爸爸有新女朋友，相信佢而家都开心，佢应该都觉得，爸爸应该都有女朋友啦。我知道佢应该系咁谂，所以我开心，咁我就放心。”丹爷强调，只要儿子自己开心、选择自己喜欢的伴侣，作为父母便会给予最大支持与祝福。