一代洪拳宗师何麦（Mark Houghton）的女儿何慈茵（Charlene）早前控诉亡父的女友Christie在丧礼上独揽大权，更指对方霸占父亲的身份证。面对连番指控，Christie接受《香港01》独家电话访问，逐一反击，更爆出原来Mark离世后，何慈茵第一时间竟然没有接听电话，第二日去医院见遗体亦只逗留了一分钟！Christie更亲解不解剖之谜，以及拒绝将骨灰撒海的原因，直指对方“讲大话讲到咁”。

踢爆何慈茵冇听电话 去医院睇遗体得一分钟

对于被指霸占身份证，Christie大感荒谬：“佢话我唔畀身份证佢，有冇咁离谱？去医院，医生𠮶边要我出示我老公身份证先可以入院㗎嘛！之后手续都要交出身份证，我点畀佢？” 她更踢爆Mark出事当晚，何慈茵根本无接听电话：“我先生出事𠮶日，我有打电话畀佢，佢冇听电话！等到第二日8点几先睇留言。”

拒绝骨灰撒海：后人点拜佢？

Christie续指，何慈茵连去医院见爸爸最后一面亦来去匆匆：“我打畀佢，我叫佢过嚟睇一睇老窦，佢就净系睇我一分钟！跟住就去红磡约契爷饮茶！”而当日Christie与何慈茵及Mark契爷等人亦有商讨用甚么仪式办丧礼，Christie指绝非她一人决定，她说：“契爷第一个问Charlene你想点做，佢话要冇仪式，佢仲要事后同我讲，要火葬完之后撒灰！我好唔满意，点可以撒灰呢？后人唔使去拜佢啦？我都拜唔到，难道我同花园拜？同天拜？唔得㗎嘛！”

Christie表示Mark生前有拜佛习惯，所以坚持要用宗教仪式：“我屋企而家都有供奉佛，佢一直都有，佢点会话我老公冇宗教？” 她批评何慈茵连最基本的孝道都没有：“佢28号（设灵）7点几夜晚过嚟睇一阵，走咗我都唔知，鞠躬又冇，送花牌又冇。我唔理你咩宗教都好，咁你应该29号（出殡）都过嚟送爸爸最后一程，你都冇！”

解释突然死亡不解剖原因：一年入三次医院

对于Mark突然离世，外界甚至何慈茵都对死因存疑。Christie澄清Mark并非死于心脏病：“佢唔系心脏病，佢只系觉得心口痛，跟住就走咗。医院𠮶边我问过，佢会大约一个半月后寄信畀我，跟住就会知死因。”

至于为何不解剖，Christie解释：“如果佢系有其他嘢，或者系被人谋杀，系唔会咁快可以畀你去认领出殡嘅，同时亦都要解剖嘅。但认领嘅时候医生已经同我讲咗，唔需要解剖，亦都揾到死因，但系呢个死因唔可以即刻话畀我听，系要Black and White（白纸黑字）政府寄信嚟先系确实。” 她更爆出Mark原来今年已经三次进出医院：“佢今年做咗三次手术，6月做菠萝盖（膝盖），7月做两次肾石手术，三次入院都见唔到佢个女！一次都冇嚟过探佢！”