歌手谷娅溦今晚（7/11）出席慈善晚宴，适逢前“星梦一姐”菊梓乔（Hana）同场现身。不过，谷娅溦在接受《香港01》访问时坦言，自己事前对菊梓乔同场一事完全不知情。被问及在场内遇到对方会如何应对，以及如何看待菊梓乔独立发展后的乐坛之路时，谷娅溦大方发表看法，道出乐坛歌手的艰辛，亦分享了自己对事业发展的独特心态。

惊喜得知同场　表示会主动打招呼

提到菊梓乔今晚亦有出席同一晚宴时，谷娅溦显得相当惊讶，坦言自己事先未有留意嘉宾名单。她笑言：“唔知㖞！我都唔知今日有啲咩Guest，完全唔知！见到佢好正常打个招呼 Say个Hello啰！”

谈菊梓乔独立发展辛酸：有冇公司都系辛苦

菊梓乔自离开旧公司、以独立歌手身份闯荡乐坛以来，被指发展不如以往顺遂。对此，谷娅溦认为乐坛发展牵涉众多因素，并非单凭“是否独立”就能一概而论。她表示：  “好难讲，呢样嘢我觉得我作为一个歌手嚟讲，我冇得评估，因为我唔系一间唱片公司嘅老板。可能对于一个歌手嚟讲，你嘅发展系点，有关公司事，有关个人事，好多不同因素，所以我觉得呢样嘢就唔系话离开公司会唔好，或者唔离开公司又好，呢样嘢好难讲。”

谷娅溦亦十分理解菊梓乔当初选择走出舒适圈的决定。她指出菊梓乔在TVB时期发展极佳，曾连续多年夺得最受欢迎女歌手奖，在一个安全的环境停留多年后，想冲出去闯荡新天地亦属情理之中： “我自己相信每一个歌手其实行呢条路都系辛苦嘅，就算你有公司、冇公司，其实都系辛苦嘅。因为我觉得呢样嘢睇喺你自己嘅想法啰。可能佢自己觉得我自己出嚟闯吓个天地都几好。因为始终佢𠮶时喺TVB嘅时候，佢个位置都几高嘅啦，攞咗最受欢迎女歌手都连续几年啦，所以可能对于佢嚟讲，佢系一个好安全嘅地方好多年，咁佢可能想冲出去闯一闯另一个世界咁样。”

坦言暂未敢独立　乐坛心态“不斗快只斗长命”

当被问到如果给她选择，是否有勇气像菊梓乔一样以独立歌手身份发展时，谷娅溦非常直率地表示自己目前仍未准备好：“我暂时唔够胆！因为我觉得我自己未够。”

来港发展十多年的谷娅溦坦言，演艺圈十分讲求命格与运气。虽然至今仍未达到自己心中的最终目标，但她对事业有著非常清晰的比喻与坚持： “圈内呢一行呢，好讲你条命，同埋我觉得运气好紧要呀！好似我讲返我自己啊，我都嚟香港十几年啦，但系你话我系咪达到我自己嘅标准呢或者目标呢？我到宜家为止都未有嘅。我常常讲过一句话，我唔系‘斗快’，但我系‘斗长命’！‘斗长命’嘅意思系，我唔系话我自己突然间有爆红或者咩嘢，但我希望我自己可以平平稳稳，不停慢慢爬楼梯咁样，慢慢爬上去，爬到顶。”

最后，被问到会否给予前同行菊梓乔一些寄语或关心时，谷娅溦展现谦逊随和的一面，笑着回应道：“我有咩资格讲呢个说话！我有咩资格讲，真系……我唯有讲大家一起努力啦！”