前TVB花旦朱智贤（Ashley）凭无线旅游节目《3日2夜》弹起，不过性感形象背后却隐藏着不少辛酸。近日她接受HOY TV节目《九运会客室2》主持伍咏薇及李凯贤（Brian）访问时，首度大爆过往拍摄旅游节目遇到不合理对待的黑历史，惊爆曾被全男班摄制队要求半裸浸温泉，期间因怕侧漏走光而企硬反抗，结果辣㷫导演，令当时还是新人的她委屈到匿埋房想喊！

被迫半裸上阵　忧侧漏走光崩溃：全部都系男人！

节目中，朱智贤大爆这段“唔想做但硬食”的委屈经历。她忆述有次去台南拍摄，突然被带到一个规定要全裸浸的温泉，工作人员竟要求她只着泳裤上阵：“我就话吓点拍，‘你着住条泳裤咪得啰’，我话唔得㖞，咁会俾人闹，呢度规矩系要（除晒）。佢哋话唔紧要，冇人嘅时候快快脆脆拍咗佢。”在追问下，朱智贤才惊觉“泳裤”的意思是“上面乜都唔着”，即是半裸上阵拍背脊！

起初她勉强答应，但临门一脚却惊觉不妥，她指着自己的胸侧仔细形容当时的恐惧：“谂谂吓临尾我就惊，唔系㖞，好似唔系好对路㖞，你话背脊啫，侧少少都睇到㗎！”最令她崩溃的是当时的摄制队阵容：“刚刚𠮶个trip全部都系男士，一个女都冇，一个都冇！我问唔到人我有冇走光啊，即系我冇理由问个男士，你睇唔睇到呀！”

她直言感觉极不舒服：“我唔得㖞，咁走光咁点呢？唔通佢睇到，佢又会同我讲咩：‘阿朱啊你露出嚟啊’，佢唔会㗎嘛！”当伍咏薇追问导演是否全部都是男士时，朱智贤激动强调重点：“全部都系男！我记得我有啲系着住比坚尼嘅，我都已经觉得好尴尬，因为我又问唔到佢哋，我有冇走光啊。” 此时，主持Brian一脸正经地搞笑神回：“如当时见到走光我会出声。”

搬老窦出山反击　委屈匿埋房想喊

为了脱身，朱智贤鼓起勇气向导演说不：“我都系唔好啦咁样。”结果惹来对方不满：“跟住佢哋就嬲嬲地啰，话‘头先讲咗拍㗎嘛，做乜又唔拍啊’。”为了企硬，她不惜搬出爸爸做挡箭牌，更反问男导演：“你自己都系人哋爸爸，你都应该明㗎”结果辣㷫对方，“佢着咗！其实我只系想佢imagine（幻想），如果𠮶个系你个女，你都唔会想.......呢件事系咪要去到咁尽呢？”

虽然成功避过半裸危机，但当时身为新人的她却承受着极大压力：“最后系冇拍，我系好想喊嘅，但系我匿埋咗去房唔知点咁，因为好惊，当时系新人，你喺个group度又未拍完，你又reject咗佢哋，又唔知跟住会发生啲咩事。”

潜水被迫唔拉拉链　拒为节目效果硬食

朱智贤承认《3日2夜》之所以为人熟识，是由于节目刚开始时部分女主持穿著泳装而引起关注，逐渐令观众将节目与“泳装”及“性感”挂钩。这种既定印象亦影响了部分导演的拍摄方针，她亦曾在拍摄过程中遭遇过分要求。

朱智贤亦重提另一次“潜水衣事件”。当时换上潜水衣准备拍摄，却被男导演要求不要拉上拉链：“佢话你记住呢，冇拉链㖞，出到嚟先拉链。”她直言当下觉得极反感，怒斥该男导演不尊重女性：“我望住佢，变态㗎㖞！”朱智贤表示明白节目效果的需要，但不认同必须以此等方式博取关注。她强调双方应有商量空间，明言绝不会强迫自己接受不合理的要求，坚拒为博眼球而硬食。