前TVB小花朱智贤（Ashley）日前作客HOY TV节目《九运会客室2》中重提当年拍摄无线王牌旅游节目《3日2夜》的辛酸史，大爆曾被逼脱衣拍温泉镜头，更直言曾与导演闹翻。事件曝光后引起网民热烈讨论。对此，《3日2夜》金牌监制张志明接受《香港01》访问时亲自回应，开腔揭开当年拍摄的真正内情。

朱智贤曾亲自诉苦　张志明：佢剩系针对个女导演

张志明透露，朱智贤私下曾与他吃饭倾诉过此事：“其实𠮶阵时佢同啲Crew、摄影𠮶啲全部好Friend，系𠮶个导演同佢有啲唔系好啱。佢就觉得佢成日叫佢除衫、露，所以佢哋系有啲反咗面嘅。”张志明强调这只是个别事件，并澄清朱智贤并非针对幕后男性工作人员，矛头纯粹指向该名女导演：“呢度系佢针对𠮶个女导演嘅啫，唔关事系咪男人问题，其余𠮶啲男人佢哋基本上玩到癫晒，唔知几开心！”

女导演被指要求严苛：个个都觉得佢唔啱

谈到该名女导演，张志明坦言对方在TVB任职多年，在行内行事作风较具争议：“好老实，𠮶个女导演系同个个都唔啱嘅，拍嘢全部个个都觉得佢唔啱，拍完又拍、拍完又拍。”他更指该女导演要求繁复，常要求女艺人穿少一点：“可能女导演又比较狼啲，成日都叫佢哋‘著少啲、著少啲’。”因此拍摄时女艺员反而更喜欢与男导演合作。

澄清非临时逼拍　回港后当笑话一则

至于是否有“临时逼拍”或底线问题，张志明解释所有拍摄安排在出发前早已沟通好：“如果话之前要拍啲乜，温泉、落水𠮶啲，其实喺香港已经开会倾晒㗎啦，点会临时叫佢哋拍呢啲？唔会嘅。”他又指女艺人走光镜头极少，有时水底拍摄需要特别小心。张志明表示，朱智贤返港后大家亦只当笑话一场，笑完就算；而朱智贤其后亦继续参与拍摄工作，过程同样开心，事件纯属个别单一事件，并未影响她与整个团队的好感情。