《东张女神》李旻芳今日（11/11）出席“东张女神杯”记者会。对于在《东张西望》外景采访时，经常因面对苦主的惨痛遭遇而露出极度同情、表情包满满，被网民截图封为“表情包大师”。

李旻芳接受《香港01》访问时笑言：“我由细到大都系比较感情丰富，我啲表情管理系比较差嘅，所以有咩都摆晒喺面上，开心唔开心、想笑想喊，我都唔钟意遮掩。其实我都有学习紧，希望可以收返啲感情。因为我哋访问嘅人多数都系一啲好惨嘅个案，听到人哋咁惨，你自己都会身同感受，所以就自然比较多呢啲表情。”

单方面向老公请教 搞笑自爆考虑“整容”止表情

面对网民的意见，李旻芳表示自己全部有收进心底，平时也会向同为《东张》主持的丈夫黄耀英请教如何做到公私分明，可惜对方做事非常理性。

李旻芳笑说：“我平时都有单方面向佢请教，因为佢好分得开，无论做嘢或感情，我问佢点样控制到，佢就叫我唔好带感情入去，要置身事外。其实男性真系比较理性，我老公对其他人好Nice，但对我就几冷酷嘅！”

李旻芳续说：“网民觉得我表情多、好似随时想喊咁，我都吸收咗，努力学习紧。我甚至笑住考虑紧系咪要去整容，整假返啲嘢令自己笑或者喊嘅时候，个面部表情冇咁多添啊！讲笑咋！”