前TVB艺人吴嘉仪（阿七）在2023年8月与圈外男友“猪仔”Leo结婚，惟新婚仅四个月便曾于网上公审老公，自爆被改门锁密码无家可归，一度闹出婚变风波。事隔多时，吴嘉仪昨日（12日）突然在IG限时动态连环发长文及影片，正式宣布正办理离婚手续，更惊爆多年来饱受对方暴力损毁物品、家居监视录影及生活滋扰。即使面对婚姻不幸，阿七仍敬业现身商场摊档落力吸客，全程满脸笑容，表现专业人，其后接受《香港01》电话访问谈到离婚一事时，更一度委屈哽咽。

遭破门用工具拧实水喉阻返工　被威胁即时执包袱：依家就要你𨅬

谈及为何突然公开宣布离婚，阿七直言全因起床准备上班时，遭到对方极大的阻力与阻挠。她还原今早的恐怖经过：“你喺度梳洗紧，佢特登破门而入，喺个洗手间度，喺你面前用工具拧实个水喉，跟住收埋，即系𠮶个洗手盆下面有个水掣㗎嘛，佢拧实，跟住我冇工具我拧唔到开，即系我洗头洗到一半咁水都冇埋。” 阿七追问对方意图时，对方却下达逐客令，并威胁会扔掉她的私人物品：“简单啲讲佢嘅意思就系话希望你尽快离开，依家就要你𨅬啦！咁我就话咁我都要做埋我啲嘢先我先执到行李……佢就话咁冇办法啦，如果你依家唔连埋你啲行李执埋走嘅话呢，我就会掟晒你啲嘢啦，会令到你啲嘢冇咗啰。”她续指，对方更扬言会再次更改大门密码，不准她自由出入，甚至在她准备好出门上班时，在门口当面转密码：“佢就话‘就唔系你可以自由返嚟㗎啦，个密码就我会改㗎啦’……佢出返嚟，就即刻喺你面前转密码啰！”

丈夫失控摔毁TVB朋友礼物　阿七哭诉遭猛力撞门极度恐惧

阿七坦言，丈夫虽未曾直接对她动手，但情绪控制问题极为严重，经常因生活琐事失控，当面踢烂及摔毁物品。她痛心表示，对方连她最珍视的友谊礼物亦不放过：“佢明知系紧张呢样嘢系朋友送嘅啦，佢都会摧毁啰……我个组合柜上面摆咗几件系一啲比较好嘅TVB朋友送嘅嘢呢，佢系唔见咗，咁我就问你系咪掟咗啦，佢就话‘唔知㖞，啲嘢摆喺度你又唔看住’。”更令她心寒的是，对方事后毫无悔意，只冷血地问：“哎呀几钱呀啲嘢，畀返钱你买过。”

遭言语恐吓：你死咗我拖你去后山都冇人知！

面对丈夫的失控行为，阿七透露曾多次被吓至躲进杂物房反锁自保，却遭对方暴力拍门及撞门：“当我譬如话OK，我喺杂物房𠮶度锁住自己就安静一下啦，佢就会系咁敲你门啦，你唔开佢就会意图去撞你道门啰，系好恐怖嘅。”她无奈表示，当时害怕得要立即拿出手机开启前置镜头录影自保。此外，她又大爆丈夫极度迷信风水术数，经常将所有不如意归咎于她，甚至说出令人毛骨悚然的诅咒：“唔知佢系开玩笑定系咩，佢话过‘我哋呢度住得咁偏僻，你死咗我拖你去后山都冇人知’我话你唔好搞啲咁嘅嘢，如果我不幸离世，希望你通知屋企人！呢样嘢我真系唔可以诬蔑，唔知佢讲呢样嘢状态系搞笑定点，但因为咁我系发过恶梦。”