现年52岁的吴家乐入行多年，自2006年迎娶其士集团创办人周亦卿千金周蕙蕙后，因女方家族财力雄厚，从此被外界冠上“五十亿驸马”的称号，一举一动备受关注。面对多年来外界指他“黐金糠”的冷嘲热讽，吴家乐近日接受好友梁靖琪（Toby）的网上节目《The MultiTalk》访问时，终于罕有敞开心扉，不但以极高EQ自嘲姓氏变长，更大爆豪门千金老婆私下极度悭家兼低调，成功令昔日挥霍无度的他彻底改变价值观！

自嘲姓氏变长 懒理外界标签

对于“五十亿驸马”这个标签，吴家乐在节目中表现得相当豁达，更忍不住自嘲：“我已经惯咗，我唔系姓吴，我系姓‘五十亿驸马吴家乐’，我个姓好长嘅！我每一次有报道呢，我个姓就长咗好多㗎啦，‘五十亿驸马吴家乐’咁样啰！”

面对网民与外界的指指点点，他霸气表示毫不在乎：“其他人讲嘢唔使理，系佢又唔识我，你净系睇到个报道背景，咁每个人都有佢嘅背景，我哋嘅相处唔系睇背景。我谂我最介意嘅系我老婆点睇我啰，我外家点睇我、屋企人点睇我？我唔介意人哋点睇我！” 吴家乐更坦言，现时自己所拥有的东西，在婚前其实早已拥有：“你见到我拥有嘅嘢，我未同佢结婚𠮶时我都有啦！”

用20年光阴证明真心，吴家乐透露连太太亦曾力撑他：“我老婆成日都有讲一句：‘唉，你要假都唔会假足20年、30年啦，我同你结咗婚都20年啦！’我话咁你咪明啰，人哋嘅说话我使乜理啫。”

昔日揾6千使8千 被老婆感化变贴地搭港铁

外界总以为千金小姐必定过着奢华生活，但吴家乐却大爆太太极度贴地，甚至改变了他昔日大花筒的恶习：“我好坦白讲，我同我太太嘅价值观好相似。唔认识嘅唔需要讲，认识嘅其实好明白佢系一个咩人，佢系好低调、佢好悭家嘅人，佢系感染到我！”

他忆述单身时极度贪靓兼挥霍：“其实𠮶阵时我好招积……我𠮶阵时单身寡仔嘅时候，我系揸跑车返工，我年年换车，一个屎忽坐几架车！又贪靓又钟意买衫，揾6000就买8000𠮶啲人，𠮶阵时真系先使未来钱！” 直至认识太太后，他的价值观被彻底颠覆：“直至到我真系认识咗我老婆之后呢，我发觉咦？佢令我价值观改变晒，‘需要’同埋‘想要’嘅嘢唔同，系㖞，其实唔使咁多，曾经拥有过就算啦……同埋佢会令到我坐公共交通工具，我以前系唔搭巴士、我唔搭船、我唔搭电车㗎，我揸车㗎嘛！”

如今的吴家乐，已不再盲目追求物质，反而十分享受搭港铁：“佢令到我发觉我坐香港嘅交通工具系好方便，点解我唔利用香港嘅资源呢？见过我嘅朋友都会知道我其实好钟意坐公共交通工具，尤其是系港铁，我刚才都系坐港铁过嚟嘅！因为泊车太贵啦，反而结咗婚之后呢，我仲低调咗，因为佢（太太）唔钟意高调，佢唔钟意我揸车。”

罕谈婚姻之道　学识认低威绝不冲动

一段长达20年的婚姻得来不易，吴家乐坦言从相处中不断学习。自认脾气火爆的他，为了家庭学识了忍让：“我系脾气暴躁嘅人，亦都知道呢个代价，如果我行出去呢，我就返唔到转头，有啲说话系唔讲得！我而家同老婆讲，有啲说话我哋唔讲得嘅，无论点都好我哋都会喺小朋友𠮶度谂，唔可以咁冲动。”他现在学懂退一步及说“对唔住”， 放下无谓的自尊，互相包容与沉淀，正是吴家乐与千金太太维持20年恩爱婚姻的终极秘诀。