TVB台庆剧《玫瑰战争》播出后大获好评，首集收视高达22.6点，今日（15日）剧中演员，包括杨茜尧、陈豪、林夏薇、陈展鹏、姚子羚、傅嘉莉、陈自瑶、邝洁楹、潘志文、李成昌、陈桢怡等现身商场出席宣传活动，而陈豪更化身“天诚娱乐”主席陈云生，介绍剧中旗下艺人登场，仿似将现场变成节目巡礼。现场吸引了大批市民围观，场面墟冚。

陈豪与杨茜尧接受访问时，透露《宫心计》及《溏心风暴之家好月圆》后相隔多年再合作，两人都已为人父人母，加上有更多人生阅历，依然有默契及火花。杨茜尧透露拍摄期间，剧中有很多女演员都会娱乐陈豪。陈豪就打趣表示：“有咁多女生，始终都有啲烦嘅。”问到可有俾小朋友睇《玫瑰战争》，杨茜尧透露一对仔女睇咗5分钟，反而工人姐姐更大赞Amazing。至于老公罗子溢，杨茜尧则搞笑指：“佢都系被迫睇，叫佢俾啲意见佢都话已经好好唔使俾意见，情绪价值俾到足。”

至于谈到老婆陈茵媺曾在受访时表示，到现在都不会看陈豪的亲热戏，陈豪则直言：“啱嘅，冇眼睇。（如果太太有亲热戏你会睇？）我都唔会睇，我都冇眼睇。”问到是否不让老婆拍亲热戏？陈豪透露跟老婆都互相支持拍摄亲热戏：“一系唔好做，做咗就要去到尽，出嚟半桶水观众feel唔到又唔得。（太太唔睇你都唔会拍？）又唔系嘅，我谂所有演员都会为艺术而牺牲，我哋呢个行业就系咁，我哋系专业骗子，要做足先欺骗到观众感情。”

提到播出后有大批观众赞杨茜尧演技很有层次，她感激对手、服装妆容、镜头辅助、对手反应等等，才能成就剧集，多谢观众喜欢。另外，谈到有网民认为邝洁楹与一众女主角的演技有差别，杨茜尧立即否认：“唔好咁讲，每个角色都有性格，大家角色性格唔同表现出嚟亦都有唔同，如果下下个个都咁强势嘅话，套剧就唔好睇，其实我哋每一个人都系返角色需要嘅。”而陈豪则指：“我讲句公道说话，我哋唔比较，香蕉苹果橙全部都咁好。”