钟培生太太、西贡区议员庄雅婷今日与奶奶钟胡雪仪一同出席慈善活动，她指老公很忙，故由自己做代表陪伴奶奶。庄雅婷约4个月前诞下B女，现场所见身型仍纤瘦，但她竟自爆肥了10公斤，正努力健身减磅。她在访问中分享新手妈妈生活，直言做在职父母不容易，恨不得带女儿一齐返工。讲到老公在凑B上是“神队友”还是“猪队友”，庄雅婷笑言是后者：“佢好钟意朝头早瞓到一半嘅时候抱BB入嚟摆喺中间一齐瞓，但系佢自己就瞓到只猪咁，咁BB瞓中间我梗系要睇住啦，我就冇觉好瞓，所以喺呢一方面佢系猪队友！”不过，她表示钟培生在B女面前会展现慈父反差一面，叫众人不准骚扰女儿睡觉，亦非常保护囡囡，不希望她太早曝光在公众面前。此外，庄雅婷直认有意再追B，至于会否如钟培生早前所讲生五仔一女，她表示五、六个有难度，霸气回应：“佢计划有几多个唔关我事，呢个睇我自己意愿，睇情况、身体状况同埋到时候嘅能力，尽量满足佢嘅意愿，满足唔到都冇办法。”

庄雅婷对于跟奶奶结伴出席活动感到非常开心，指对方平时热衷慈善，会去老人院唱粤曲予长者听，又会捐粤剧飞，所以自己都向对方学习，并识做说：“希望以后都有机会跟佢去唔同活动。”活动开始前，庄雅婷头发刚好乱了，她笑言自己现时已冇形象，因为钟培生IG有如其“照妖镜”：“平时我哋日常生活佢会随手拍，非常之casual，所以喺我毫无防备嘅情况下，佢会影好多唔同嘅video，所以我都放弃咗，以前会P图P好耐，而家已经唔会。”问到成为人母后，会否忙著凑B连打理自己的时间都没有，她说：“还好！因为我哋得一个BB，好多人都抢住玩，所以平时都要排一阵队先排到。”

成为人母数月，庄雅婷表示虽然每天都过得非常开心，但亦深刻体会到年轻在职父母的辛酸：“BB朝头早7点起身，夜晚7点又已经瞓觉，所以好多时出去做完嘢返嚟见到BB都已经瞓咗觉，朝头早起身可能同佢一齐玩一阵，跟住又要返工，所以都明白到，做一个在职父母压力大。”由于每次出门口都极度不舍，她笑言恨不得带埋囡囡一齐返工，更计划等女儿再大一点时，带她一起落区做街站或出席活动：“BB好受欢迎，试过带佢落去，街坊都非常之开心，咁街坊开心我又开心，BB又开心，所以希望大个啲都会带佢出去。”

大赞B女性格淡定抽血都唔喊：似我啦梗系

谈到凑B最困难的地方，庄雅婷坦言：“而家我哋对BB发展有好多唔同嘅要求，譬如几多个月就要睇彩色卡，练啲唔知乜嘢运动，所以对我嚟讲，全部都系非常之新鲜，我哋都慢慢学习紧。”至于对女儿未来的期望，她笑言：“开心就好，但系当然开心之余都希望佢多才多艺。”提到B女的性格，庄雅婷赞爱女自出娘胎便展现出超强定力：“佢一出世性格好明显，因为佢好淡定、好冷静、情绪好稳定，因为姑娘帮佢抽血佢都冇喊，喂药都冇喊，所以应该情绪好稳定。”问到囡囡性格似谁，她笑说：“我觉得似我啦梗系，但系Derek梗系话似自己。”

指钟培生是凑B猪队友 被问“神队友”位竟语塞

讲到老公钟培生升级做爸爸后的变化，庄雅婷表示：“佢不嬲都乖嘅，所以做咗爸爸之后，都冇特别大嘅改变，差唔多。”不过，她大爆老公私下亦会对著囡囡讲“BB话”，更重提女儿刚出生时在医院的护女事迹：“我哋会倾偈，平时做咩就做咩，但系佢叫我哋所有人都唔准讲嘢，唔好阻住BB瞓觉，反差感都几大。”虽然钟培生工作繁忙，但依然抽空凑B，甚至打算把女儿带返公司：“佢会带埋BB返工，话讲过要将BB床摆喺Office，可以一路返工一路陪住BB。”

问到老公在凑B上是“神队友”还是“猪队友”，庄雅婷笑言是后者：“佢好钟意朝头早瞓到一半嘅时候抱BB入嚟摆喺中间一齐瞓，但系佢自己就瞓到只猪咁，咁BB瞓中间我梗系要睇住啦，我就冇觉好瞓，所以喺呢一方面佢系猪队友！”记者追问有没有哪方面老公称得上“神队友”？庄雅婷竟突然语塞停顿数秒，被追问“冇呀？”时更当场笑场：“哈哈哈，谂到以后再补充！”

有意追B 直言生六个有难度：几多个睇我自己意愿

有传二人将会补办百日宴及婚礼，庄雅婷一口否认：“冇㗎，我哋工作比较忙，以后先至再讲。”至于会否带同B女公开露面与传媒见面，她亦明确拒绝，指全因老公极度保护爱女：“应该唔会畀大家见面，爹哋好紧张，平时可能想post吓手仔脚仔佢都唔会，爹哋比较紧张少少。”被问到女儿要到几多岁才可“解禁”曝光，她笑指由老公话事：“Derek话应该18岁之后就自己决定。”

此外，庄雅婷透露产后身体恢复进度理想，准备再追多个陪囡囡：“𠮶时挨咗30几个钟头顺产，为嘅就系可以尽快恢复，可以返工，亦都系日常生活可以get back to Normal。”虽然钟培生未有催促追B，但有兄弟姊妹的她坦言渴望快点为女儿添个伴：“始终我觉得小朋友有一个伴去成长系非常之重要，所以养狗仔我哋都唔会净系养一只，有两只，我自己都有兄弟姊妹，都会希望快啲有个伴俾佢一齐玩。”讲到老公曾扬言想生“五仔一女”，她重申五、六个实在有难度：“佢计划有几多个唔关我事，呢个睇我自己意愿，睇情况、身体状况同埋到时候嘅能力，尽量满足佢嘅意愿，满足唔到都冇办法。”

.