黄仁勋出轨七师傅称“所有男人都会” AI股将出事劝勿捞货NVIDIA

撰文: 邓颖琪
出版:更新:

七仙羽(七师傅)昨日(15日)出席慈善活动,曾任财经记者的她,受访时期间讲到近日NVIDIA创办人黄仁勋因出轨而辞任CEO一事,她指自己知很多,但不想多讲,因为太敏感,又认为:“所有男人都会出轨,只不过穷系冇钱,身痕,想出轨都出唔到。”丑闻连累NVIDIA股票近日暴跌,不少股民叫苦连天,但亦有人认为低位是入手好时机,七师傅就劝:“好多人话快啲捞货,事情明朗化,快啲冲入去买,梗系唔系啦,谂嘢咁简单咩?”她预言AI股、科技股明年1月后有其他问题,叫大家“唔好咁快冲入去”。至于日前Microsoft 旗下Outlook大规模停机,七师傅预言12月将再发生同类事件或大停电,提醒大家买定电筒及后备照明,电子产品亦要叉满电以备不时之需。

“有艇搭慈善基金会”10周年感谢礼。(邓颖琪摄)

七师傅论出轨诱惑 直言人性难抵挡:所有男人都会出轨

先讲到黄仁勋出轨热话,七师傅认为所有男人、女人都有机会出轨:“所有人都会出轨,男人会出轨,女人会出轨。任何一个条件好嘅男人或者女人,出现喺你面前,你都会顶不住诱惑,因为人都系人,人系有缺点,佢出轨并不是好大嘅问题,因为所有男人都会出轨,只不过佢系一个名人,关注度喺佢身上。其实我身边好多男人有好多个老婆、女朋友,大家都见到有钱男人身边都好多女人啦,呢啲就系人性,所以大家唔好挑战人性。”

讲到黄仁勋出轨热话,七师傅认为所有男人、女人都有机会出轨:“所有人都会出轨,男人会出轨,女人会出轨。任何一个条件好嘅男人或者女人,出现喺你面前,你都会顶不住诱惑。”(邓颖琪摄)

自爆老公曾遭异性勾引 称不怕小三小四:我会渡化佢哋

被问到若先生出轨怎么办,七师傅坦言老公条件好,多年前已有钱、高大、哈佛毕业,所以二人拍拖时有很多女人对他有兴趣,甚至传讯息勾引他,但他根本不介意:“金子就会发光,系金就会发光,我越系唔介意,我唔理,我老公就更加觉得我特别。”七师傅对自己有信心,自言温柔、性格好、善良,之后说:“我个样又唔系差……即系亚洲又唔钟意我啫,外国人钟意我呢一类㗎嘛,咁我身材都OK啦,我个样……”但她突然失笑语塞:“唔知点形容,亚洲人话唔靓,外国人话好靓。”七师傅认为有自信的女人,不用打败小心,自然都会赢,认为若老公是世界名人身家丰厚,或许他都会出轨:“我唔介意,我会共存,我嘅心态就系共存,我要渡化,万一老公有小三、小四,我会渡化个小三、小四,加上我识好多magic,一路渡化一路惩罚,要令到小三、小四,知道唔可以破坏人哋家庭。”

七师傅认为有自信的女人,不用打败小心,自然都会赢,认为若老公是世界名人身家丰厚,或许他都会出轨:“我唔介意,我会共存,我嘅心态就系共存,我要渡化,万一老公有小三、小四,我会渡化个小三、小四,加上我识好多magic,一路渡化一路惩罚,要令到小三、小四,知道唔可以破坏人哋家庭。”(邓颖琪摄)

断言今年不会爆疫情 劝市民毋须恐慌囤粮:大家又唔系老鼠

目前已接近年尾,问七师傅香港来年如何,她强调不会有疫情:“之前大家都话会有疫情,话今年有疫情,唔会㗎,话俾大家知一个秘诀,大家都传𠮶样嘢,就算𠮶样嘢应该发生,都唔会发生,因为破咗喇,破咗天机就唔会发生。如果系几个人传,就有机会发生,但系全球都传,就唔会发生,就会有另一个plan,呢个系宇宙嘅规律,佢唔会咁易俾人世间嘅人知。”月前不同国家的人都说要“储粮”,令不少人人心惶惶,七师傅就说:“大家又唔系老鼠,储咁多粮做乜嘢?因为你储太多粮,又冇地方摆,加上都会变坏,大家唔好俾自己咁大压力,今年系唔会有疫情,你信我啦!我次次预测有几次系错?我次次预测都准,之前预测啲名人有啲咩事,都中咗,我知好多好多嘢,我唔敢讲咋嘛,讲完之后好麻烦。”

七师傅指来年不会有疫情,叫大家无需储粮:“大家又唔系老鼠,储咁多粮做乜嘢?”(邓颖琪摄)

NVIDIA股价急挫叮嘱切勿捞底 预言明年AI股科技股震动大

不过,七师傅特别提醒大家留意股市,指出年第一个月冇事,但之后有大震动!讲到近日NVIDIA股价受黄仁勋出轨消息连累而暴跌,七师傅特别叮嘱大家不要以为事情明朗化就趁低吸纳,劝持续观望:“好伤㗎,呢只股票都会影响其他AI股同科技股,暂时大家观望,唔好咁快冲入去。身边好多人话快啲捞货,事情明朗化,快啲冲入去买,梗系唔系啦!谂嘢咁简单咩?因为佢之后都会有其他风浪,因为大家睇呢个股票唔好睇得咁简单,唔系净系咁简单一只股票,好多因素㗎,所以大家唔好咁快冲入去,之后科技股、AI股都会有其他问题,大家唔好咁快冲入去。”

七师傅特别提醒大家留意股市,指出年第一个月冇事,但之后有大震动!讲到近日Nvidia股价受黄仁勋出轨消息连累而暴跌,七师傅特别叮嘱大家不要以为事情明朗化就趁低吸纳,劝持续观望,预言AI股、科技股将有其他问题:“唔好咁快冲入去。”(邓颖琪摄)

12月或再发生全球死机 提醒小心大停电及网络诈骗

日前Microsoft Outlook全球大规模停机,七师傅指12月份会再有类似情况,亦提醒要小心大停电:“大家要小心啲留意吓,平时自己屋企都准备一个备用电筒,充电,我建议大家成日都要充满啲电,因为有时突然间你冇电,充唔到电喇㖞,所以充晒啲电先!”她又表示要有网络安全意识,因为网络诈骗多,自己一日都受很多诈骗讯息,例如假账户问她睇风水收几钱,又或是谎称住她楼下,投诉她单位漏水:“我心谂,我楼下?我已经住一楼,楼下冇屋,好多呢啲诈骗。”

日前Microsoft Outlook全球大规模停机,七师傅指12月份会再有类似情况,亦提醒要小心大停电,建议准备好后备电源。(邓颖琪摄)