欧阳震华剖白30年丁克婚姻 与百亿老婆拒生B:双双入豪华老人院

撰文: 程岚风
出版:更新:

现年66岁的欧阳震华(Bobby),与澳门一代赌王傅老榕孙女、家族资产估计逾百亿的傅洁娴结婚30年,一直恩爱如昔。早前Bobby接受汪曼玲的YouTube访谈节目《快拍.曼镜头》,访问中,他重提多年来被外界视为“食软饭”的委屈,斩钉截铁表示婚后开支全由自己一力承担:“唉!我做得咁辛苦,我维持呢个家。有好多人讲得好难听嘅都有,话我软饭王……我无使过佢一分钱!”

今日(16日)最新一集访问,Bobby就剖白与太太由结婚第一日已决定做“丁克一族”(有生育能力但选择不生育)的心路历程,更大谈不靠仔女的超前卫养老计划!

欧阳震华昔日遭酸“食软饭”极委屈。(《快拍.曼镜头》)
欧阳震华斩钉截铁表示,婚后家中所有开支均由自己承担。(《快拍.曼镜头》)

拒生B怕手尾长:我哋个脑得十几岁

被问到30年的婚姻是否一开始就决定不生育,Bobby直认不讳,坦言当年虽然已届适婚生子之龄,但心态依然未定性:“系呀,我哋结婚𠮶时都已经成30岁。虽然系30岁嘅外壳,但我个脑都系得10几岁嘅啫,我好多嘢都未见过,有好多嘢都未玩过!”

Bobby解释,自己搏杀多年才终于尝到财政松动的滋味,根本不想马上被生仔缚死:“10几年不断咁样工作,做嘢做嘢又做嘢,到咗30几岁松动啲,唔使食嘢净系睇个价钱啦,都畀我松几年!你唔系生完之后就完咗呢件事㖞,而系呢件事啱啱开始,下面𠮶啲手尾跟住你。”

欧阳震华饮食有节制,人变消瘦。(《快拍.曼镜头》)
结婚时已有共识做丁克。(《快拍.曼镜头》)
结婚时已有共识做丁克。(《快拍.曼镜头》)
两夫妻都唔系太钟意小朋友。(《快拍.曼镜头》)

双方家族零压力 宁双双入住豪华老人院

对于传宗接代,Bobby直言双方家庭都非常开明:“我太太𠮶边有冇俾压力佢?我呢边又冇咩压力。同埋我同太太其实都好怕凑细路仔嘅……比工人凑又唔知凑到点,咁唔使啦!”

没有子女,老来由谁照顾?Bobby的答案极度洒脱,霸气表示早就计划好与太太双双入住安老院:“冇人照顾咪双双入老人院啰!唔系一定要坐轮椅先入去㗎,依家啲老人院好靓、好豪华!生活有人安排好晒,有啲两公婆日日可以出街嘅,只不过唔出街平时就有饭畀你食,执埋啲药俾你食。你话传宗接代又好点样都好,呢啲系预计唔到嘅结果嚟嘅……唔好父母本身谂住养儿防老。”

唔怕老咗冇人照顾。(《快拍.曼镜头》)
一齐住老人院。(《快拍.曼镜头》)
有啲好靓。(《快拍.曼镜头》)
好豪华。(《快拍.曼镜头》)
欧阳震华(Bobby)与太太傅洁娴携手走过近三十年。(《快拍.曼镜头》)
欧阳震华(Bobby)与太太傅洁娴携手走过近三十年。(《快拍.曼镜头》)

庆幸行运在后头 悭家本色自己剪头发

回顾大半生,Bobby对现在60多岁的安稳生活感到极度感恩,自言是“先苦后甜”:“人哋话行运唔好咁后生吓,先苦后甜?冇错。到我呢个年纪呢就明㗎啦,钱呢就去买一样嘢好容易,但系你想将𠮶样卖返去钱呢,就难到你想像唔到咁难!而家到咗呢个年纪,你想做又未必做得啱,唔好乱咁使。”

虽然太太出身百亿名门,但他自己的生活要求却低得惊人:“我其实都唔系好积谷防饥㗎嘞,都系要做嘅,唔系话好冇钱,好少好少好少⋯⋯唔够啦,基本生活㗎咋,我唔系要求好高,唔需要穿金戴银。我连剪头发钱都悭,哈,自己剪,几悭呀!”

欧阳震华经历了长达八年的跑龙套时期,当时月薪甚至不足一万元。(《快拍.曼镜头》)