刘德华亲证“歌迷藏床底”传闻 自爆教女功课无从入手大吐苦水
入行45年的天王刘德华近日作客新城电台节目《梨事会》环节“我芝订”,与主持陈小芝、“啤梨”叶文辉及怀钰展开深度对谈。华仔除了畅谈多年来的演艺心路历程外,更在节目中亲自拆解及证实坊间流传多年的两大“宠粉传闻”,同时大爆私下教导爱女刘向蕙(Hanna)做功课的崩溃日常,尽显天王贴地一面。
刘德华还原床底惊现男歌迷真相
多年来网上一直流传,曾有狂热粉丝潜入刘德华下榻的酒店房间并躲在床底,华仔发现后不但没有报警驱赶,反而与对方促膝长谈。在今次访问中,“啤梨”叶文辉直接向华仔求证,华仔亦大方承认确有其事,并亲口还原当时的惊险经过。华仔忆述:“𠮶日我啱啱拍完戏返到去,正喺度做紧按摩。点知帮我按摩个师傅突然同我讲,话张床下面好似有嘢郁紧。我听到之后就爬过去床底望一望,点知真系有个男仔瞓咗喺床下面。”
他笑言当时大家都保持冷静、客气地请对方出来,了解后才得知对方是离乡别井的弱势打工仔,只因想找工作才出此下策:“不过当时大家都好冷静、好客气咁请咗佢出嚟。了解之后先知道,原来佢系离乡别井出嚟打工嘅人,好想揾份工做。至于外面传话我同佢倾足一个钟头偈,其实就冇咁夸张嘅。不过当时见佢应该好肚饿,我就即刻叫咗碗面、畀啲嘢佢食饱先,之后再好好咁送佢离开。”,面对私闯房间,华仔非但没半句责怪,反而体谅对方的无奈:“其实佢并唔系特登要匿喺床底或者有咩恶意,佢只系知道我住喺𠮶间房,好想揾机会见到我,希望我可以帮佢揾到份工作啫。”
为穷困歌迷改巡演首站唱到流鼻水
除了床底事件,另一宗“都市传说”亦获得华仔亲口证实。早年曾有内地歌迷在网上留言,感叹自己家境贫穷买不起机票,只能无奈写下“希望你下世都叫刘德华”,盼望来世存够钱再入场支持偶像。华仔看到留言后大受触动,竟毅然决定将2007年的“Wonderful World 全国巡回演唱会”首站改到呼和浩特,只为让该名歌迷能圆梦入场。华仔在节目中重提此事更笑言当地气候极度严寒:“𠮶阵时系零下几度㗎,我哋唱到流晒鼻水㗎!”
天王变“刘烦恼” 教囡囡做数学大叫投降
褪下舞台上的巨星光环,回到家中的刘德华亦与天下父母一样,要面对令人头痕的育儿难题。被问到陪爱女刘向蕙做功课时是否会变成“刘烦恼”,华仔即深有同感地大吐苦水:“‘刘烦恼’呢个称呼系真㗎!我谂全天下所有父母都一定经历过。平时陪佢做功课,有时无论你点样解释、点样教,佢都好似唔明白咁。最主要系佢哋而家学嘅知识,同我哋以前细个学嘅真系有好大距离,好多嘢连我自己都唔识教晒,所以真系会觉得好烦恼。要数最令我头痕嘅,一定系教佢做数学!而家小朋友学嘅数学同我哋以前完全唔一样,就连最基本嘅加减法,佢哋𠮶套计算程式同教学项目都唔同晒,搞到我都唔知点样入手教佢。”
虽然在功课上束手无策,但华仔透露囡囡如今已成为他的“御用音乐顾问”,他创作的新歌全数都要先过囡囡一关,让他从中掌握新一代的口味:“其实我啲新歌佢全部都听过,基本上系同我一齐经历成个创作过程。由我最初有个Concept(概念)、慢慢去写,到每一份歌词,佢都有份参与同畀意见。我个女真系‘好多事’㗎,每一样嘢佢都要过问、都要畀意见,就连我拣咩音乐类型,佢都会喺旁边提点下我。睇嚟我个女好快就会有属于自己嘅音乐作品,到时佢作曲畀我唱都话唔定。”