许志安虚心感谢周启生批评爵士演唱会:下次努力希望唔令佢失望
许志安今晚现身《万千星辉贺台庆》担任压轴嘉宾,他近日做了两个演唱会,分别是《On Stage》及《西九爵士音乐节》,口碑大好,不过在后者举行完之后,“乐坛判官”周启生却批评其爵士演唱会:“走音部分都费事讲。完全冇爵士嘅任何元素,jazzfest my Ass!”许志安虚心接受周启生意见:“我好多谢呢个前辈就真!我知道之后,我会谂首先我会讲可能有个误会,因为我今次呢个Jazz Festival,佢揾我系希望透过我嘅流行歌曲,加一个Jazz嘅编曲,希望有唔同嘅火花可以做出嚟俾大家睇,呢个我都好期待。但系真系唔系一个纯Jazz,因为我自己可能有试过,喺演唱会度有讲过93年我有两首Jazz嘅歌,我都觉得好难得几十年之后有机会唱返,但系除此之外我都冇乜点掂过,所以今次对我嚟讲系新嘅尝试、新嘅火花,所以周生有一个Suggest,觉得我唔够Jazz,我谂系小小嘅误会。我有检讨过,每次表演都有唔同事情发生,可能再有多啲进步空间,我觉得周生可能希望我第时有多啲进步、提醒,反而我觉得系多谢,下次再努力啲唱好啲,希望唔好令佢失望。”他表示心情未受影响:“唔会影响心情,呢个系提醒,真心觉得,其实都系可以有进步空间,咁所以冇咩唔开心。”
许志安台庆回应周启生狠批 。(胡凯欣摄)
许志安亲自解画揭误会:多谢前辈提醒。(胡凯欣摄)
讲到早前做完红馆演唱会,他预告将会开始巡回,暂定有澳门及马来西亚站,城市就留待公司安排:“我最想如果有机会嘅话,就系喺香港开最后尾嘅终站,呢个都系我自己幻想,如果有机会先。”上次红馆只得三场,歌迷表示“未够喉”,安仔透露:“上次其实我哋公司有‘呓’红馆可以比多场,因为佢装修,但系可能工程有啲延误。好开心有咁嘅反应,但系结果唔得,唔紧要,我哋期待再有一啲好嘅地方。(记者:开启德啰,Sammi都开。)可能对我嚟讲太遥远。”
红馆加场落空,许志安首谈巡唱规划。(胡凯欣摄)
许志安台庆压轴大谈新挑战。(胡凯欣摄)