TVB台庆2026|黄剑文食鸡髀失10万眼泛泪光 羡慕肥妈地位超然

撰文: 吴子生
出版:更新:

无线《万千星辉贺台庆》今晚(19/11)隆重举行,全台艺员倾力演出之余,万众期待的台庆大抽奖环节更出现“走宝”一幕!《中年好声音2》人气唱将黄剑文原本获钱嘉乐抽中总值超过10万港元的丰富奖品连免找数签账额,却因为一时肚饿走去电视城内的便利店“医肚”食鸡髀,结果白白错过上台领奖的黄金机会,最终奖品由前辈曹永廉补上夺得。

黄剑文因一只鸡髀错失十万大奖。(胡凯欣摄)

黄剑文事后接受《香港01》访问时大谈“痛失巨奖”的经过与感受时眼泛泪光,虽然被全场取笑食了“人生最贵一只鸡髀”,但他依然保持招牌正能量,笑言要“唱多几场Show赚返”!

黄剑文受访时眼泛泪光。(胡凯欣摄)

全日未进食医肚闯祸 接战友来电狂奔回厂为时已晚

谈及为何会在抽奖的关键时刻“失踪”,黄剑文无奈还原事发经过,坦言全因自己全日未有进食,实在饿得受不了:“其实抽奖前我去咗影一啲公司嘅相啦,跟住就去影一个‘最佳甫士’嘅相。影完之后因为好肚饿啦,全日都冇食过嘢,咁我就去咗便利店买只鸡髀食。”

岂料这只鸡髀竟让他与10万大奖擦身而过!黄剑文笑指自己其实刚刚吃完鸡髀,一查看手机便发现“出事”:“我啱啱食完嘅,一睇电话就知道有Message同埋有人打畀我,《中年好声音》个Chatroom就打嚟,叫我‘快啲返嚟你中奖呀!’跟住我就即刻狂奔返嚟,点知跑到去台前嘅时候,前辈(曹永廉)已经上咗台攞奖喇,我就因为只鸡髀错失咗10万蚊!”

颜志恒独得45万大奖。(胡凯欣摄)

笑称“唱多几场Show赚返” 羡慕肥妈有人代领

事件曝光后,台前幕后纷纷取笑他这餐宵夜代价极高,堪称“10万蚊一只鸡髀”。黄剑文对此不但没有黑面,反而觉得既好笑又感动:“个个都话我好唔抵啰!不过我都好感动,因为好多人都好关心我,替我唔抵。10万蚊一只鸡髀,咁咪唱多几场Show赚返啰!”

正能量。(胡凯欣摄)

同场另一位得奖者肥妈(Maria Cordero)抽奖时同样不在现场去了洗手间,但可获陆浩明(6号)代领,不过肥妈最终赶及现身成功袋走10万大奖。被问到为何没有人替自己代领时,黄剑文即爆笑大呼:“冇错呀!点解冇人帮我代领嘅?(系冇人话你可以代领!咁唔紧要啦,留返下年啦希望!”

被问到会否觉得“好唔公平”时,黄剑文先是无奈大笑,随即大方表示自己离席在先,规则十分合理:“呃……咁应该系啱嘅,我唔在场,即系我唔喺现场嘛,我咁啱就走咗去食鸡髀,咁冇办法。”

至于会否认为是资历及“地位问题”,才令肥妈获得“代领待遇”,黄剑文亦毫不介意并直认不讳,笑言唯有寄望明年再接再厉,自己亦会乖乖吸取教训:“咁一定系㗎啦!咁一定系㗎啦!好啦唔紧要啦,留返下年啦希望!咁我觉得唔紧要啦,下次就唔做其他嘢啦,唔食鸡髀啦,食鸡髀就早啲食完就坐定定啦咁啰!”

人生首中大奖痛失欧洲旅费 正能量视作好开始

黄剑文透露,自己平时极少抽奖运,今次可说是人生第一次抽中如此巨奖,正因从未想过幸运之神会降临自己身上,才会安心离席去买鸡髀:“就系会觉得‘唔会系我㗎啦’,所以我咪走去食鸡髀啰!”被问到如果顺利袋走这10万港元会如何使用时,他坦言原本打算用来去旅行,甚至笑称“可以去欧洲添”,但话未说完便立即自我喊停:“哎呀算啦唔好再讲喇!唔好再讲喇我唔谂喇,已经过去咗㗎喇!”

从未想过幸运之神会降临自己身上。(胡凯欣摄)

虽然与10万大奖缘悭一面,但黄剑文绝不认为这是“行衰运”的开始,反而将今次乌龙事件视为正面提醒:“唔会嘅,我相信系一个好开始嚟嘅!即系话畀我听要留心,以后唔好再错过一啲咁重要嘅机会,新一年一定会系更加好嘅!”