颜志恒台庆独中45万上缴老婆“佢付出咗咁多” 爆妻儿开心到跳起
《万千星辉贺台庆2026》昨晚(19日)圆满举行,其中凭借第一季《中年好声音》入行的颜志恒,在大抽奖环节中赢得大奖——由上海商业银行送出、高达45万港元的信用卡免找数签账额大奖。他受访时直言非常开心,因为自己从没抽奖运,前两年都与奖项擦身而过,今年终于中奖,知道电视机前的家人兴奋得跳起,“我老婆话佢哋跳到弹起晒,话哥哥冲紧凉都要出嚟睇㖞!”问到会如何使用奖金,他表示会上缴老婆,共同商讨用途,并深情表白:“认真嘅,我老婆为我付出咗咁多。”
台庆抽中45万大奖 妻儿电视机前兴奋跳起:哥哥冲紧凉都出嚟睇
回想抽中45万大奖的一刻,颜志恒依然难掩激动,透露过去两年台庆自己其实都曾跻身抽奖最后阶段,今年终于独得终极大奖:“个波爆𠮶下我直头系‘哗!我得咗啦!’”中奖后,颜志恒第一时间心系家中妻儿,致电太太报喜,可惜一度未能接通,估计当时一家人正兴奋庆祝。两人及后终于联络上,他才知道太太与儿子正安坐家中收看电视直播,更笑言回家后一定要重温家中闭路电视画面,见证妻儿激动弹起的一刻:“我今晚都要睇返CCTV片先!我老婆话佢哋跳到弹起晒,话哥哥冲紧凉都要出嚟睇㖞。”
奖金全数交老婆安排 感激爱妻多年付出:会一齐plan点用
被问到是否需要将45万奖金全数“上缴”太太,颜志恒笑言:“唔使讲啦,要讲嘅咩?我哋而家一齐夹,夹点样用,因为认真嘅,我老婆为我付出咗咁多,好辛苦。我哋会一齐plan吓点样用呢笔钱,仔女升学又好、我哋大家买保健品食吓又好、去吓旅行又好,总之我哋两个要有共识,成家人点样健康开心地使呢笔钱。”他又透露想用奖金出歌,希望自资出歌能加快进度。
他中奖后,一班《中年好声音》战友亦随即蜂拥而至要他请客,令他哭笑不得:“你知佢哋为人㗎啦,我无端端变咗一个好重要嘅师兄啊,《中1》《中2》《中3》《中4》走晒埋嚟。”他指晚肥妈同样幸运中奖,所以可能会与对方夹份请大家大吃一顿庆祝。
黄剑文食鸡髀痛失10万奖金 颜志恒送够20只鸡髀补数
向来缺乏横财运的颜志恒坦言,从未中过六合彩,平时亦不赌马,直到参加《中年好声音》后运势才逐渐好转:“我记得TVB有啲贺年节目,有得抽金龙、金蛇,都试过中过条蛇仔,总之系金嘅,开始觉得有啲运。”至于当晚有否特意穿红底裤催运,他笑言原本有此打算,但出门前竟忘记得一干二净。
此外,黄剑文当晚原本同样被抽中,却因行开“食鸡髀”未能及时现身领奖,白白痛失10万元奖金而大感心痛。颜志恒闻言即搞笑“安慰”:“首先我一定会20倍偿还返俾佢,20只唔同口味嘅鸡髀,我promise咗,一定会送俾佢。”讲到他本身是厨师,不如亲自烹调予对方,他说:“我自己亲手叮热佢,同埋有啲未有嘅味道,我都会尝试一啲新嘅味道烹调俾佢,佢而家啤紧我……”记者指要送“金箔鸡髀”才能安抚对方,他则笑说会用金色碟装住。