各位准备入伙嘅新居业主、或者屋企仲用紧锁匙开门嘅朋友，请全神留意！全球足球盛事战况激烈，各国列强正不惜工本打造最强防线；而喺大后方，你屋企嘅大门防线同样需要世界级守门员！由2019年开始，每年都同大家喺湾仔会展见面嘅飞利浦智能锁，今年6月25日至28日，将会乘著足球盛事狂热，带著全线产品再度回归“香港家居博览 INHOME EXPO 2026”！

一如既往，唔玩虚招、只玩真诚，现场除了首次全线产品低至75折，仲准备了惊喜多到数唔晒、犹如顶级赛事补时阶段“送完又送，送咗再送”嘅会展限定福利。即刻带大家直击现场六大惊喜，睇吓点样用“冠军级阵容”升级现代化家居！

惊喜一：全场真‧MVP！$4,888 人气爆款神价重现、指纹手柄锁 $2,888 起

平时喺网上成日有人 PM 询问几时再做优惠？今次大会现场直接放量回馈：

• 最红智能视像锁（型号：720FVP / 720MVP）：会展惊喜价 （已包基本安装）HK$4,888！呢款销量王牌之前做过呢个优惠，当时反应极度热烈，打后一直都收到源源不绝嘅查询。今年决定顺应民意，限时重现呢个真・神价，之前错过咗嘅朋友今次“咪走鸡”，记住果断起脚入手！

• 指纹手柄锁销量冠军（型号：610）：包埋安装入手价只需HK$2,888！虽然系入门级别，但自2024年底推出以来，凭著超高性价比一直高踞销量榜榜首，绝对系你最佳性价比嘅“守门员”，最啱预算有限又想体验智能生活嘅家庭。

惊喜二：最强双子星！“皇牌智能锁 + 智能净水机”强强联手

今时今日，新屋装修或者旧楼翻新，要打造完美家居，旗舰级智能锁同智能净水机已经成为新一代现代家居嘅“必备孖宝”。飞利浦智能锁特别联同飞利浦净水跨界合作，喺现场推出六个“超抵智能家居套餐”。由前线大门防御到厨下饮水，犹如最强双子星，一次过帮大家用最抵价钱配齐两大生活用品，装修业主必睇！

惊喜三：人人有份！100%中奖搅珠机，2,000份礼品等你嚟

现场平畀大家都未够，大会现场仲准备咗2,000份加埋总值超过港币50万元嘅礼品！现场设立“100%中奖搅珠机”，只要现场消费就人人有份，好似十二码罚球一样“一射即中”，绝不落空！丰富礼品名单包括：

• 飞利浦经典气炸锅（名额 12 份）
• 飞利浦电动牙刷（名额 20 份）
• 飞利浦智能门锁【额外一年上门保养服务】（名额 16 份）
• 飞利浦智能门锁专用门卡两张

惊喜四：加码再送全面保障三选一，旅游在外一样放心

现场下单除了有得抽奖，大会仲加码送出惊喜！以下三款超实用生活福利，由各位根据自己需要，任选其中一项带走。即使你要飞去外地现场亲身睇波，一样比你全方位保障：

1. 免费旅游保险：去外地现场睇波玩得更放心。
2. HK$100超市礼券：最直接嘅现金回赠，买完锁再去超市扫货买啤酒睇波。
3. 65折家居保险优惠：帮新居构筑起双重财产与装修保障。

惊喜五：免费 "SHARE WIN" 双重赏！Follow送限量版Tote Bag，加码打卡再送1.2L珍宝随行杯

行过路过展位，就算未决定买锁，都有惊喜带走！只要喺现场 Follow官方三个社交平台（小红书、Facebook、Instagram），即可免费拎走极具潮流感嘅限量版飞利浦幻彩Tote Bag一个！攞完靓袋意犹未尽？只要现场再完成指定嘅打卡活动，大会即时加码送你大热运动风嘅 限量版飞利浦1.2L珍宝随行杯（连手柄及饮管）一只！特大容量无论系做运动定深夜睇波饮冻饮都系最顶级。数量有限，送完即止，记得早啲嚟，好似前锋传送咁“接应”呀！

惊喜六：加时赛：压轴"BUY WIN"大赛，送出6部飞利浦蓝牙耳机！

一个展览咁多嘢玩？梗系唔止啦！凡喺展览期间购买任何飞利浦智能锁嘅客户，仲可以参加线上加时赛：去到指定Facebook ／IG ／小红书位置下面留言写低现场购买心得。截止到指定时间，获得最多LIKE嘅留言者，大会将会选出6位得奖者，每人送出飞利浦蓝牙耳机一部！戴住佢听深夜睇波直播就最震撼。醒目嘅你一定唔好错过呀！

著数多到数唔晒，会展四天限定“送完又送，送咗再送”！与其上网睇不明来历、随时摆乌龙嘅水货，不如嚟会展揾总代理买100%原厂行货，有埋自己安装团队同24小时售后服务，大后方万无一失。6月25日至28日，湾仔会展不见不散！

（资料及相片由客户提供）