中文大学医院欠政府的40亿元贷款已两度延期还款，须于2028年开始偿还，院方指如要连本带利还款，医院年收入需达60亿元，去年仅录23.8亿元，坦言还款“难度相当高”。实政圆桌召集人田北辰要求政府“斩缆”收返自己营运，称已对院方失去信心，“之前已俾机会信咗一次，再次系咁我系不能接受。另外佢哋迟迟唔交资料，根本啲诚信已经破产。”

田北辰对中大医院非常没信心

中大医院去年向立法会申请延期还款，田北辰在社交平台Facebook表示当时已对院方的财务估算非常没信心，“我要求支持嘅前提系佢哋要讲到24/25年度下半（即25年1-6月）做唔做到个预测，即系赚2300万，咁整年就会蚀5400万”，如果做到则会支持延期，至少有一个合理估算，做法与银行相似，给机会“做返好条数”。

如果咁都做唔到，就即刻清盘唔好嘥大家时间。2026年1月佢哋仍然唔公开做唔做到，只肯话旧年做唔到28亿，咁即系话下半年都仍然系蚀，因为营业额少咗4亿几，所以我对佢哋完全冇哂信心。

田北辰斥中大医院诚信破产

田北辰质疑中大医院有意向立法会隐瞒继续蚀钱，“佢话旧年七月上任时仲系蚀，即系下半年估2300万（盈利）系离哂谱”，斥院方说法一而再、再而三偏离事实，对医院所有估算失去信心。

之前已俾机会信咗一次，再次系咁我系不能接受。另外佢哋迟迟唔交资料，根本啲诚信已经破产。

田北辰促“斩缆”收回中大医院

田北辰指，政府应该果断撇账，不要再令市民有假希望医院会还到钱，即使中大保证也非合理做法，中大好多资金来自公帑，“都系左手交右手，没完没了。”

我建议长痛不如短痛，政府收返中大医院俾医管局去提供私营服务，我相信病人对医管局提供私营服务会有好大支持，正如今天嘅玛丽医院！